Cəlilabad rayonunun Xanılı kəndində yerli fermerə məxsus yem anbarında baş verən yanğınla bağlı yenilənmiş məlumat verilib.
Regioninfo-nun məlumatına görə, Qadir Mirzəyevə məxsus ümumi sahəsi 456 kvadratmetr olan anbarda saxlanılan ot presi yanğın nəticəsində qismən zərər görüb. Təxminən 30 ton ot presinin 20 tona qədər hissəsi yanaraq yararsız hala düşüb, lakin 10 tondan bir qədər artıq hissə və anbarın təxminən 70 kvadratmetrlik sahəsi mühafizə olunub.
Hadisə yerinə Fövqəladə Hallar Nazirliyinin Cəlilabad bölməsinin 3 yanğınsöndürmə texnikası və əlavə 3 sudaşıyan avtomobil cəlb edilib. Küləkli hava şəraitinə baxmayaraq, yanğının yayılmasının qarşısı operativ şəkildə alınıb.
Yanğın nəticəsində anbarın tikili konstruksiyasına da ziyan dəyib. Hazırda ərazidə soyutma işləri aparılır və yanğının başvermə səbəbi araşdırılır.
