Sabirabad rayonunda minik avtomobillərinin toqquşması ilə nəticələnən ağır yol-nəqliyyat hadisəsi baş verib.
Regioninfo xəbər verir ki, hadisə səhər saatlarında rayonun Minbaşı kəndində qeydə alınıb. Qəza zamanı Samir Umudov, Manaf Hacıyev, Salatın Abuzərova ölüb. Xəsarət alan üç nəfər – Sakit Hüseynov, Nuray Umudova və Əli Umudov Şirvan Şəhər Mərkəzi Xəstəxanasına yerləşdirilib. Həkimlər onların səhhətinin orta ağır olduğunu bildirirlər. Faktla bağlı araşdırma aparılır.
