Elm və Təhsil Nazirliyinin elan etdiyi “Özəl məktəbəqədər təhsil müəssisələri üçün qrant müsabiqəsi” çərçivəsində növbəti mərhələyə keçən təhsil müəssisələrinin siyahısı açıqlanıb. Seçilmiş bağçalardan biri olaraq, Mübariz İbrahimov adına Biləsuvar Bağça-Məktəb-Lisey Kompleksində bağça bölməsi üzrə 140 yer ayrılıb.
Valideynlər üçün bu, övladlarının məktəbəqədər təhsil prosesinə cəlb edilməsi üçün böyük fürsətdir.
Uşaqların qeydiyyatı 24 oktyabr saat 11:00-dan etibarən www.bq.edu.az portalında aktiv olacaq və 1 noyabr saat 17:00-dək davam edəcək. Qeydiyyat prosesi zamanı valideynlər və ya qanuni nümayəndələr tələb olunan sənədləri təqdim etməli və seçilmiş özəl məktəbəqədər təhsil müəssisəsi ilə təhsil haqqı məbləğinin də qeyd olunduğu müqavilə bağlamalıdırlar.
Bu layihənin məqsədi dövlət məktəbəqədər təhsil müəssisələrinə qəbul oluna bilməyən uşaqların özəl müəssisələrdə təhsil alma imkanını yaratmaqdır.
Layihə çərçivəsində, hər bir uşağın aylıq təhsil haqqının 250 manatlıq hissəsi qrant vəsaiti ilə maliyyələşdiriləcək, qalan məbləğ isə valideyn tərəfindən ödənəcək.
Mübariz İbrahimov adına Biləsuvar Bağça-Məktəb-Lisey Kompleksi olaraq bu layihənin bir hissəsi olmaqdan qürur duyur və bütün valideynləri övladlarını qeydiyyatdan keçirməyə dəvət edirik.
Daha ətraflı məlumat və qeydiyyat üçün www.bq.edu.az portalına daxil olun.
Əlaqə nömrəsi :
051 911 07 00
