Azərbaycan Respublikası Elm və Təhsil Nazirliyinin Təhsildə inkişaf və innovasiyalar üzrə VII qrant müsabiqəsinin qalib layihələrindən olan “Qız şagirdlərin yaradıcılıq dərnəyi” layihəsinin icrası davam edir.
İcra planına uyğun olaraq layihənin müsabiqə mərhələsi yekunlaşıb və ustad dərslərinə start verilib.
Qeyd edək ki, layihənin məqsədi ümumtəhsil məktəblərindəki məktəbli qızların ictimai-sosial həyatda aktiv, yaradıcı bir fərd kimi formalaşmasına yardımçı olmaq, bilik və bacarıqlarının artırılmasına stimul verməkdən ibarətdir.
