Şirvan-Salyan Regional Təhsil İdarəsinin tabeliyindəki ümumi təhsil müəssisələrində idman həftəsi keçirilir.
Şagirdlərin idmana marağının artırılması, sağlam həyat tərzinin təbliği məqsədilə ümumi təhsil müəssisələrində 5 Mart – Bədən Tərbiyəsi və İdman Günü ilə bağlı keçirilən idman həftəsi çərçivəsində şagirdlərin iştirakı ilə müxtəlif idman növləri üzrə yarışlar keçirilib.
Bundan başqa, idman həftəsi çərçivəsində ümumi təhsil müəssisələrində idman nailiyyətləri olan idmançılarla görüşlər keçirilir.
Qeyd edək ki, layihə təhsilalanların sağlamlıqlarının möhkəmləndirilməsi, fiziki inkişafının təmin edilməsi, onlarda müsbət emosiyaların dayanıqlı olması, idman və bədən tərbiyəsinin inkişafı, bu sahədə kütləviliyin təmin edilməsi istiqamətində təhsil sistemi qarşısında qoyulmuş hədəflər baxımından xüsusi əhəmiyyət kəsb edir.
