SON XƏBƏRLƏR
16 Iyul 2019
15 Iyul 2019
14 Iyul 2019
13 Iyul 2019
12 Iyul 2019
Tikinti fəaliyyəti sahəsində YENİLİK - Pullu olacaq
ARAŞDIRMA 09:17 / 05.03.2019

Azərbaycanda müvafiq qurumlar tikinti fəaliyyəti sahəsində göstərdikləri xidmətləri ödənişli əsaslarla həyata keçirəcəklər.

Trend-in məlumatına görə, bununla bağlı Şəhərsalma və Tikinti Məcəlləsinə dəyişikliklər edilir.

Dəyişikliklər Milli Məclisə Azərbaycan Prezidenti tərəfindən qanunvericilik təşəbbüsü qaydasında təqdim edilib.

Məcəlləyə təklif edilir ki, tikinti layihələrinin şəhərsalma sənədlərinə uyğunluğunun yoxlanılmasına, habelə siyahısını, məbləğini və tətbiqi hallarını müvafiq icra hakimiyyəti orqanının müəyyən etdiyi tikinti fəaliyyəti sahəsində müvafiq qurumlar tərəfindən göstərilən digər xidmətlərə görə haqq ödənilsin.

Bu dəyişiklik müvafiq qurumlar tərəfindən tikinti layihələrinin şəhərsalma sənədlərinə uyğunluğunun yoxlanılmasının və tikinti fəaliyyəti sahəsində göstərdikləri xidmətlərinin ödənişli əsaslarla həyata keçirilməsini nəzərdə tutur.

Hazırda Məcəllədə ödənişlər yalnız tikinti layihələrinin ekspertizadan keçirilməsi üçün nəzərdə tutulub.

Digər dəyişikliklər şəhərsalma fəaliyyətinin tənzimlənməsi və təkmilləşdirilməsi ilə bağlıdır.

Yeni layihədə təklif edilir ki, tikintiyə icazə verilərkən əvvəlcə tikinti layihəsinin şəhərsalma sənədlərinə uyğunluğunun yoxlanılması təklif edilir. Rəy müsbət olduqda isə müvafiq rəylərin verilmısi üçün sorğu göndəriləcək.

Layihədə şəhərsalma və tikinti fəaliyyəti sahəsində dövlət orqanlarında işləyən əməkdaşların sosial müdafiəsinin gücləndirilməsi üçün Məcəlləyə müvafiq əlavələrin edilməsi təklif edilir. Bu əlavəyə əasən, Məcəllənin tələblərinin pozulmasına görə İnzibati Xətalar Məcəlləsinə əsasən tətbiq edilən cərimələrdən toplanan vəsaitin 50 faizi işçilərin sosial müdafiəsinin gücləndirilməsinə sərf ediləcək.


Regioninfo.az ©2019 Bütün hüquqlar qorunur
Təsisçi: Demokratik Cəmiyyətin İnkişafına Yardım
İctimai Birliyinin sədri Əsgər Məmmədov
Tel: 012 566 28 48
Mobil: 055 485 68 08
İSTİFADƏ QAYDALARI Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.