SON XƏBƏRLƏR
19 Iyun 2019
18 Iyun 2019
17 Iyun 2019
15 Iyun 2019
14 Iyun 2019
Əlilliyin müəyyən olunması meyarları dəyişdirilir - Nazir təfərrüatları açıqladı - VİDEO
MÜSAHİBƏ 08:24 / 17.02.2019

Əlilliyin müəyyən olunması meyarlarının dəyişdirilməsi ilə bağlı sənəd artıq hazırdır və yaxın günlərdə müvafiq qurumlara təqdim olunacaq.

Əmək və əhalinin sosial müdafiəsi naziri Sahil Babayev Xəzər televiziyasına müsahibəsində bu barədə açıqlama verib. Nazir dəyişikliklərin təfərrüatlarını da açıqlayıb.

Xezerxeber.az-ın məlumatına görə, Azərbaycanda əlilliyin təyin olunması yeni meyarlarla aparılacaq. Bu meyarlar qabaqcıl təcrübələrə və beynəlxalq standartlara əsaslanaraq hazırlanıb. Bir müddət əvvəl Əmək və Əhalinin Sosial Müdafiəsi Nazirliyi tərəfindən hazırlanan sənəd Səhiyyə Nazirliyinə göndərilmişdi. Müvafiq əlavə və təkmilləşdirmədən sonta artıq sənəd hazırdır.

Nazir Sahil Babayev deyir ki, yeni meyarlara əsasən birinci, ikinci və üçüncü qruplara görə əlilliyin təsnifatlandırılması nəzərdə tutulmur. Burada xəstəliklərin insanın özünə qulluğu məhdudlaşdırması faizi əsas götürüləcək. Bu, beynəlxalq təcrübədə mövcud olan daha ədalətli sistemdir.

Yeni meyarların qəbul olunması böyük qanun dəyişiklikləri tələb edən geniş bir paketdir. Bundan əlavə mövcud təqaüd və müavinətlərin indeksasıyası da həmin sənədlə uyğunlaşdırılmalıdır. Həmçinin bir sıra instisional işlər də görülməlidir ki, artıq buna başlanılıb.

Nazir deyir ki, bu sahədə şəffaflığın və ədalətliliyin təmin olunması üçün atılan addımlar müsbət nəticələrini verir.

Nazirin sözlərinə görə, əsas məqsəd əhalinin sosial cəhətdən həssas olan bu qrupuna dövlət xidmətlərini daha effektiv təqdim etməkdir.





Regioninfo.az ©2019 Bütün hüquqlar qorunur
Təsisçi: Demokratik Cəmiyyətin İnkişafına Yardım
İctimai Birliyinin sədri Əsgər Məmmədov
Tel: 012 566 28 48
Mobil: 055 485 68 08
İSTİFADƏ QAYDALARI Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.