SON XƏBƏRLƏR
15 Noyabr 2019
14 Noyabr 2019
13 Noyabr 2019
12 Noyabr 2019
11 Noyabr 2019
Ümummilli lider Heydər Əliyevin xatirəsi Belçikada da anıldı
DÜNYA 14:48 / 12.12.2018

Azərbaycan xalqının ümummilli lideri Heydər Əliyevin anım günü ilə bağlı Brüsseldə Azərbaycan Respublikasının Belçika Krallığı və Lüksemburq Böyük Hersoqluğundakı səfirliyinin, NATO yanında daimi nümayəndəliyinin və yerli diaspora təşkilatlarının təşəbbüsü ilə tədbir keçirilib.

Xəbər veririk ki, anım tədbirində əvvəlcə ulu öndər Heydər Əliyevin əziz xatirəsi bir dəqiqəlik sükutla yad edilib.

Daha sonra çıxış edən səfir Fuad İsgəndərov Ulu Öndərin keçdiyi şərəfli ömür yolundan bəhs edib, ümummilli lider Heydər Əliyevin uzaqgörənliyi, iradəsi və əvəzsiz siyasi strategiyası sayəsində Azərbaycanın bu gün dünya ölkələri tərəfindən etibarlı tərəfdaş kimi qəbul edildiyini bildirib. Qeyd edib ki, əsası ümummilli lider Heydər Əliyev tərəfindən qoyulan bu siyasət Prezident İlham Əliyev tərəfindən uğurla davam etdirilir.

Ulu öndər Heydər Əliyevin dünyanın görkəmli siyasi xadimləri arasında xüsusi yerinin və nüfuzunun olduğunu diqqətə çatdıran F.İsgəndərov deyib ki, Ümummilli Liderin əziz xatirəsi daim qədirbilən Azərbaycan xalqının qəlbində yaşayacaq.

Tədbirdə digər çıxış edənlər də ulu öndər Heydər Əliyevin Azərbaycan dövlətçiliyinin qurulmasında və möhkəmlənməsindəki müstəsna rolundan ətraflı bəhs ediblər.


Regioninfo.az ©2019 Bütün hüquqlar qorunur
Təsisçi: Demokratik Cəmiyyətin İnkişafına Yardım
İctimai Birliyinin sədri Əsgər Məmmədov
Tel: 012 566 28 48
Mobil: 055 485 68 08
İSTİFADƏ QAYDALARI Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.