SON XƏBƏRLƏR
26 Iyun 2019
25 Iyun 2019
24 Iyun 2019
23 Iyun 2019
22 Iyun 2019
İndoneziyada 5,1 bal gücündə yeni zəlzələ
HADİSƏ 21:36 / 01.10.2018

Oktyabrın 1-də İndoneziyanın Sulavesi adasında 5,1 bal gücündə yeni zəlzələ olub.

Yeraltı təkanların episentri 282 min nəfərin yaşadığı Palu şəhərindən 101 kilometr şimal-qərbdə, ocağı isə yer səthindən 10 kilometr dərinlikdə yerləşib.

Təbii fəlakət nəticəsində zərər çəkənlər və dağıntılar olub-olmadığı barədə hələlik məlumat verilmir.

Xatırladaq ki, sentyabrın 28-də Mərkəzi Sulavesi əyalətində 7,5 bal gücündə zəlzələ və sonrakı iki sutka ərzində 170-ə yaxın yeraltı təkan baş verib. Son məlumata əsasən, zəlzələ və 3-5 metr hündürlüyündə sunami nəticəsində 1,2 min nəfərdən çox insan həyatını itirib, yüzlərlə insan isə xəsarət alıb. Zəlzələdən zərər çəkən bölgələrdə minlərlə ev dağılıb, 16 min nəfər öz evlərini tərk etmək məcburiyyətində qalıb. Ölənlərin sayının artacağı istisna olunmur./Azərtac


Regioninfo.az ©2019 Bütün hüquqlar qorunur
Təsisçi: Demokratik Cəmiyyətin İnkişafına Yardım
İctimai Birliyinin sədri Əsgər Məmmədov
Tel: 012 566 28 48
Mobil: 055 485 68 08
İSTİFADƏ QAYDALARI Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.