SON XƏBƏRLƏR
13 Dekabr 2018
12 Dekabr 2018
11 Dekabr 2018
Həbsdən çıxdı, bacısının ərini baltalayıb öldürdü, meyitin yanında uzandı və... - Azərbaycanda DƏHŞƏT
KRİMİNAL 12:46 / 29.09.2018

Lənkəranda törədilmiş dəhşətli qətllə bağlı bəzi məqamlar aydınlaşıb.

Əldə etdiyimiz məlumata görə, Vilvan kəndində bacısının həyat yoldaşı, 1960-cı il təvəllüdlü Sakit Yusubovu amansızlıqla öldürən 48 yaşlı Mahir Əzimov yenicə həbsxanadan çıxıbmış.

Bildirilir ki, M.Əzimov qeyri-sağlam həyat tərzi sürdüyündən atası evi-həyəti qızına və kürəkəninə bağışlayıbmış. Bir müddət əvvəl həbsxanadan çıxan Mahir isə həmin həyətdən torpaq sahəsi istəyib və bacısının həyat yoldaşı ilə münaqişə yaradıb. Həm də spirtli içki aludəçisi olan M.Əzimov münaqişə zəminində balta ilə yeznəsinə hücum edib və onun başına zərbələr endirib. Ailə üzvləri müdaxilə etmək istəsə də Mahir qışqıraraq heç kimin yaxın gəlməməsini deyib. Əks təqdirdə onları da baltalayacağını deyib. Hətta o, Sakiti öldürükdən sonra baltanı əlindən qoymayıb və meyitin yanında uzanaraq dayanıb. Qohum-qonşu, kənd sakinləri cəmləşsə də o, qan içində qalmış Sakitin yanından tərpənməyib və ailə üzvlərinin meyiti götürməsinə imkan verməyib. Nəhayət hadisə yerinə gələn polislər Mahir Əzimovu yaxalayaraq polis şöbəsinə aparıb.

Qeyd edək ki, hadisəni törədən şəxs əvvəllər bir neçə dəfə məhkum edilib. Qətlə yetirilən S.Yusubov isə müsbət xarakterli insan kimi tanınıb.

Faktla bağlı Lənkəran rayon Prokurorluğunda cinayət işi açılıb, araşdırma aparılır.

*****


Lənkəranda dəhşətli qətl törədilib.

Daxili İşlər Nazirliyinin mətbuat xidmətinə istinadən xəbər veririk ki, sentyabrın 27-də Lənkəran rayonunun Vilvan kəndində yaşayan, əvvəllər məhkum olunmuş Mahir Əzimov evində münaqişə zəminində həmkəndlisi olan qohumu Sakit Yusubovun baş nahiyəsinə balta ilə xəsarət yetirib. Nəticədə S.Yusubov hadisə yerində ölüb.

Polis və prokurorluq orqanları əməkdaşlarının keçirdikləri təxirəsalınmaz istintaq və əməliyyat-axtarış tədbirləri nəticədə M.Əzimov saxlanılıb.

Faktla bağlı cinayət işi açılıb, araşdırma aparılır.


115 dəfə oxunub
Regioninfo.az ©2018 Bütün hüquqlar qorunur
Təsisçi: Demokratik Cəmiyyətin İnkişafına Yardım İctimai Birliyi
İSTİFADƏ QAYDALARI Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.