SON XƏBƏRLƏR
16 Oktyabr 2018
15 Oktyabr 2018
14 Oktyabr 2018
Motel cinayətində ilginc iz: Keçmiş məhbus daha əvvəl...
KRİMİNAL 09:23 / 26.09.2018

Abşeron motelində qəsdən adamöldürmə faktı ilə bağlı saxlanılmış Kürdəmir rayon sakini əvvəllər də bir qızı öldürməyə cəhd edib

Keçmiş məhbusun ikinci qurbanı da qız olub. Abşeron motelində qəsdən adamöldürmə faktı ilə bağlı saxlanılmış Kürdəmir rayon sakini əvvəllər də bir qızı öldürməyə cəhd edib.

Bunu Sputnik Azərbaycan-a Abşeron rayonunun hüquq-mühafizə orqanlarından bildiriblər.

Qeyd edək ki, ötən bazar günü Abşeron rayonunun Fatmai qəsəbəsində yerləşən Oskar motelində amansız qətl hadisəsi baş verib. Cinayətin qurbanı 21 yaşlı Ucar rayon sakini olub. A.O. adlı gənc qız paytaxtda kirayə mənzildə yaşayırmış. Qətli törədəndən dərhal sonra şübhəli şəxs hadisə yerindən qaçıb. Lakin o bir neçə saat sonra hüquq-mühafizə orqanlarının əməkdaşları tərəfindən saxlanılıb. Məlum olub ki, həmin şəxs Kürdəmir rayon sakini, əvvəllər adam öldürməyə cəhd etdiyi üçün məhkumluq həyatı yaşamış Nəriman Əliyevdir.

İlkin araşdırma zamanı məlum olub ki, kişi cəzaçəkmə müəssisəsindən cəmi bir il əvvəl azadlığa çıxıb. Əliyev sözügedən qızı motelə onunla birlikdə dincəlmək üçün aparıb. Moteldə Əliyevlə A.O. arasında mübahisə yaranıb və xüsusi amansızlıqla törədilmiş qətllə başa çatıb. Patoloqoanatomlar A.O.nun bədənində 11 bıçaq yarası aşkar ediblər.

Əliyev saxlanıldıqdan sonra verdiyi ilkin ifadəsində deyib ki, qızı onu aldatdığı üçün öldürüb.

Sputnik Azərbaycan-ın əməkdaşı ilə söhbətində hüquq-mühafizə orqanlarının əməkdaşları bildiriblər ki, Əliyev qətli törətməyə hazırlıqlı gəlib. O, qızı görüşə çağırarkən özü ilə görüş yerinə bıçaqla silahlanaraq təşrif buyurub. Kişi A.O.-ya hücum etmək üçün saxta münaqişə yaradıb və bu yolla öz hərəkətinə haqq qazandırmağa çalışıb. Nəriman Əliyevin daha əvvəl hansı cinayət üstündə həbs olunduğunu xatırlayanda, istintaqın bu versiyası inandırıcı görünür.

Belə ki, 2003-cü ildə N.Əliyev Kürdəmir rayonunun Qaramahmudlu kənd sakini olan gənc qızı öldürməyə cəhd edib. O, həmin vaxt cəmi 20 yaşı olan sevdiyi gənc qızın kürəyinə bıçaqla zərbə endirib. Onda Əliyev istintaqa ifadəsində bildirmişdi ki, valideynləri qızı ona verməkdən imtina etdikləri üçün qızı öldürmək istəyib. Nəticədə həmin qız ömürlük şikəst qalıb. İndi o, əlil arabasının köməyi ilə hərəkət edir.


51 dəfə oxunub
Regioninfo.az ©2018 Bütün hüquqlar qorunur
Təsisçi: Demokratik Cəmiyyətin İnkişafına Yardım İctimai Birliyi
İSTİFADƏ QAYDALARI Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.