SON XƏBƏRLƏR
16 Avqust 2018
15 Avqust 2018
14 Avqust 2018
Bakıda kişi sevgilisinə 100 min “atıb”
HADİSƏ 13:53 / 07.08.2018

Bakıda bir kişi külli miqdarda pulu fırıldaq yolu ilə ələ keçirib.Regioningo.az xəbər verir ki, bu barədə  Yasamal rayon Polis İdarəsindən məlumat veriblər.

Cinayətin qurbanı 1978-ci il təvəllüdlü paytaxt sakini E.Rəsulova olub. Qadın avqustun 4-də sözügedən rayonun 26-cı polis bölməsinə müraciət edib. Onun sözlərinə görə, bu ilin yanvarında sevgilisi, 1956-cı il təvəllüdlü M.Seyidov onda 100 min manat pulun olmasından xəbər tutub. Seyidov qadına yalvarıb ki, pulu ona restoran almaq üçün versin. Zərərçəkənə də söz verib ki, nəinki pulu qısa müddətdə geri qaytaracaq, həm də ona restoranın fəaliyyətindən əldə olunan gəlirdən faiz veriləcək.

Yarım il keçməsinə baxmayaraq, Seyidov nə restoran alıb, nə də qadının pulunu geri qaytarıb. Sevgilisinin onu aldatdığını başa düşən qadın, indi pulunu geri almaq üçün asayiş keşikçilərindən yardım istəyir.

Hələlik faktla bağlı heç kəs saxlanılmayıb. Hüquq-mühafizə orqanlarının əməkdaşları Seyidovun əməlində cinayət tərkibi axtarır.


40 dəfə oxunub
Regioninfo.az © 2018 Bütün hüquqlar qorunur
Təsisçi: Demokratik Cəmiyyətin İnkişafına Yardım İctimai Birliyi
İSTİFADƏ QAYDALARI Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.