SON XƏBƏRLƏR
16 Avqust 2018
15 Avqust 2018
14 Avqust 2018
ABŞ tarixin ən faciəvi hücumunu etdi: bütün dünya... - FOTO
DÜNYA 12:10 / 06.08.2018

Bu gün II Dünya Müharibəsi zamanı ABŞ-ın Yaponiyanın Xirosima şəhərinə atdığı atom bombasının törətdiyi fəlakətdən 73 il keçir.

Xəbər veririk ki, Xirosimanın 70%-ni yox edən uran qatqılı və təxminən 13 min TNT (tri-nitro-toluen) gücündəki bomba mərkəzində 3000 santiqrad dərəcə istilik yaradıb və ətrafında 1,5 kmlik sahəni dümdüz edib. Atom bombası ilk mərhələdə 80 000 1945-ci ilin sonuna qədər isə 140 000 insanın həyatına son qoyub.

Bombalanma zamanı xəsarət alanlar tibbi yardım ala bilmədiyi üçün ölərkən, şəhərə humanitar yardım gətirənlər isə radiaktiv şüaya məruz qalaraq can verib.

Atom bombası o zmankı ABŞ prezidenti Harri Trumanın qərarı ilə ehtimal olunan bu iki məqsəd üçün atılıb. Birincisi, Yaponiyaya qarşı davam edən müharibənin dərhal bitməsi ilə amerikalı əsgərlərin qırılmasının qarşısını almaq, ikincisi, SSRİ-yə ABŞ-ın gücünü nümayiş etdirmək.

Bombanın layihəsi, testi və gerçəyi

Fizik Albert Eynşteyn 1939-cu ildə ABŞ prezidenti Franklin Ruzveltə yazdığı məktubda almanların bir atom bombası hazırlamağa çalışdığını xəbər verib. Amerikalılar 1941-cı ildə Tennesse əyalətində "Manhetten layihəsi” adı altında atom bombası hazırlamağa başlayıb. Layihənin rəhbərliyi amerikalı Robert Oppenhaymerə verilib və bombanın üzərində əksəriyyəti nasistlərdən qaçan almaniyalı elm adamları işləyib.

Bombanın testi Nyu Mexiko əyalətində 1945-ci ildə edilib və uğurla nəticələnib.

26 iyul 1945-ci ildə İngiltərə, Çin və ABŞ-ın "Postdam xəbərdarlığı” ilə təslim olma çağırışı verdiyi Yaponiya 28 iyulda şərtsiz təslim olmayacağını elan edib.

Yaponiya 3 avqustda Antantaya razılaşmalı sülh təklif edib ancaq qəbul edilməyib. Bu hadisələrdən sonra 6 avqustda atom bombası atılıb. Dövrün Yaponiya imperatoru Hirohito 15 avqustda ölkəsinin təslim olduğunu elan edib.

Faciədən sonra ABŞ ölü sayının 117 000, yaponlar isə yarım milyona yaxın olduğunu açıqlayıb.



28 dəfə oxunub
Regioninfo.az © 2018 Bütün hüquqlar qorunur
Təsisçi: Demokratik Cəmiyyətin İnkişafına Yardım İctimai Birliyi
İSTİFADƏ QAYDALARI Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.