SON XƏBƏRLƏR
13 Noyabr 2019
12 Noyabr 2019
11 Noyabr 2019
10 Noyabr 2019
09 Noyabr 2019
Azərbaycanda “Yol Polisinə dəstək” qrupları yaradıldı - VİDEO
CƏMİYYƏT 17:30 / 19.10.2019

Bundan sonra yol hərəkəti təhlükəsizliyinin təmin edilməsində yol polisləri ilə yanaşı, könüllülər də iştirak edəcəklər. Bu məqsədlə "Yol Polisinə dəstək" qrupları yaradılıb.

Ölkədə "Yol hərəkətinin təhlükəsizliyinə dair 2019-2023-cü illər üçün Dövlət Proqramı"nda yol hərəkəti təhlükəsizliyinin təmin edilməsində ictimai iştirakçılığın müxtəlif formalarından, o cümlədən vətəndaş cəmiyyəti institutlarının imkanlarından səmərəli istifadə edilməsi və digər məsələlərlə bağlı Baş Dövlət Yol Polisi İdarəsi tərəfindən zəruri tədbirlərin görülməsinə başlanıb. Baş Dövlət Yol Polisi İdarəsinin rəsmisi Mübariz Ağayevin sözlərinə görə, "Yol polisinə dəstək" qruplarının yaradılmasında məqsəd könüllülərin yol polisi əməkdaşları ilə birgə vətəndaşların maarifləndirilməsi tədbirlərinə cəlb olunmasıdır. Könüllülər yol hərəkəti qaydaları ilə bağlı həm təhsil müəssisələrində, həm də yollarda vətəndaşların maarifləndirilməsi istiqamətində işlər görəcəklər.

"Yol polisinə dəstək" qruplarında olan şəxslər təkcə paytaxtda deyil, rayonlarda da fəaliyyət göstərəcəklər.

Qeyd edək ki, "Yol polisinə dəstək" qruplarında olan könüllülər Baş Dövlət Yol Polisi İdarəsi tərəfindən forma ilə də təmin olunurlar.

 



Regioninfo.az ©2019 Bütün hüquqlar qorunur
Təsisçi: Demokratik Cəmiyyətin İnkişafına Yardım
İctimai Birliyinin sədri Əsgər Məmmədov
Tel: 012 566 28 48
Mobil: 055 485 68 08
İSTİFADƏ QAYDALARI Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.