SON XƏBƏRLƏR
18 Noyabr 2019
15 Noyabr 2019
14 Noyabr 2019
13 Noyabr 2019
12 Noyabr 2019
MKİ-nin keçmiş əməkdaşı: "Putin 11 sentyabr terroru barədə Buşu xəbərdar etmişdi"
DÜNYA 09:47 / 06.09.2019
2001-ci ildə Vladimir Putin prezident Corc Buşa ABŞ-da terror aktlarının hazırlana biləcəyi barədə məlumat verib.

APA "RİA Novosti”yə istinadən xəbər verir ki, bu barədə MKİ-nin keçmiş analitiki Corc Bibi yazıb.

Bibi özünün "Rus tələsi: Rusiya ilə kölgə savaşımız nüvə fəlakətinə necə çevrilə bilər” kitabında yazır ki, Putin 11 sentyabrdan iki gün əvvəl amerikalı həmkarına zəng edərək, "Rusiya kəşfiyyatı uzun müddət əvvəldən hazırlıq işləri aparılan və Əfqanıstandan gəlməsi gözlənilən terror kampaniyasının əlamətlərini aşkar edib”, - deyə bildirib.

Keçmiş analitik xatırladıb ki, 11 sentyabr hücumlarından sonra ABŞ-a dəstək nümayiş etdirmək üçün Buşa zəng edən ilk xarici dövlət başçısı da Putin olub.

Bibinin kitabı bu həftə Amerikada nəşr olunub. Onun müəllifi əvvəllər Rusiya ilə əlaqəli MKİ-nin analitik şöbəsinə rəhbərlik etmiş və hazırda Vaşinqton ekspert mərkəzinin milli maraqlar üzrə vitse-prezidenti vəzifəsində çalışır.

Qeyd edək ki, Kremlin internet saytındakı xəbər arxivində V.Putinlə C.Buş arasında telefon danışığı haqqında 10 sentyabr 2001-ci il tarixli bir məlumat var. Zəngin ABŞ-ın təşəbbüsü ilə reallaşdığı və danışıq zamanı Asiya-Sakit okean İqtisadi Əməkdaşlığı (APEC) sammitinə, eləcə də ən yüksək səviyyədə Rusiya-Amerika danışıqlarına hazırlıq işlərinin müzakirə olunduğu bildirilir.

Regioninfo.az ©2019 Bütün hüquqlar qorunur
Təsisçi: Demokratik Cəmiyyətin İnkişafına Yardım
İctimai Birliyinin sədri Əsgər Məmmədov
Tel: 012 566 28 48
Mobil: 055 485 68 08
İSTİFADƏ QAYDALARI Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.