SON XƏBƏRLƏR
13 Noyabr 2019
12 Noyabr 2019
11 Noyabr 2019
10 Noyabr 2019
09 Noyabr 2019
Elmar ermənini 78 saniyəyə məğlub etdi - Qasımov yarımfinalda
İDMAN 15:24 / 30.08.2019
Yaponiyanın paytaxtı Tokioda keçirilən dünya çempionatında bu gün Azərbaycanın iki cüdoçusu mübarizəyə qoşulub.

100 kq çəki dərəcəsində yer alan Elmar Qasımov və Zelim Kotsoyev tatamiyə çıxıblar.

E.Qasımov 1/32 finalda belaruslu Daniel Mukete ilə üz-üzə gəlib və qızıl xalla qələbə qazanıb. Onun növbəti rəqibi Rusiyanı təmsil edən erməni Arman Adamyan olub. İdmançımız ermənini 78 saniyəyə ippobla məğlub edərək, növbəti mərhələyə yüksəlib.

Bu mərhələdə E.Qasımov braziliyalı Rafael Buzakarinini də ipponla məğlub edib. 1/4 finalda hollandiyalı Mixael Korreldən üstün olan cüdoçumuz adını yarımfinala yazdırıb. Bu mərhələdə o, portuqaliyalı Jorje Fonseka ilə görüşəcək.

Digər cüdoçumuz Zelim Kotsoyev isə braziliyalı Leonardo Qonsalveşdən üstün olub. 1/16 finalda isə o, yaponiyalı Aaron Volfa məğlub olaraq, mübarizəni dayandırıb.

Xatırladaq ki, hazırda yığmamızın hesabında bir gümüş və bir bürünc medal var.

Regioninfo.az ©2019 Bütün hüquqlar qorunur
Təsisçi: Demokratik Cəmiyyətin İnkişafına Yardım
İctimai Birliyinin sədri Əsgər Məmmədov
Tel: 012 566 28 48
Mobil: 055 485 68 08
İSTİFADƏ QAYDALARI Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.