SON XƏBƏRLƏR
20 Sentyabr 2019
19 Sentyabr 2019
18 Sentyabr 2019
17 Sentyabr 2019
16 Sentyabr 2019
13 Sentyabr 2019
Universitetə qəbul oldu, atası attestatını gizlətdi: "Çünki ögey bacım ali məktəbə daxil olmadı"
CƏMİYYƏT 17:06 / 20.08.2019

18 yaşlı Orxan Bağırzadə universitetə qəbul olsa da, atası tərəfindən attestatı gizlədilərək ali məktəbdə qeydiyyatdan keçməsinə əngəl törədilib.

O, Oxu.Az-ın müxbiri ilə söhbətində atasının onun təhsil almasına mane törətməsinin səbəbindən danışıb.

O.Bağırzadənin sözlərinə görə, atasının təhsil almasına icazə verməməsinin səbəbi ögey bacısının universitetə qəbul olmamasıdır:

"Anam rəhmətə getdikdən sonra atam ikinci dəfə ailə həyatı qurdu. Onlar evlənən zaman qadının bir qızı var idi. Biz özümüz ailədə dörd uşağıq. Məndən böyük qardaşlarımın təhsil almağa həvəsi olmayıb, amma mənim həvəsim olub.

Həm ofisiant işləyirdim, həm də oxuyurdum və heç bir hazırlığa getmədən özüm hazırlaşaraq qəbul imtahanında 336 bal topladım, Azərbaycan Dillər Universitetinin rus-fransız dili üzrə tərcüməçilik ixtisasına ödənişli əsasda qəbul oldum. Mən ali məktəbə qəbul oldum, amma onun qızı universitetə daxil olmadığı üçün evdə prinsip yarandı. Mənə dedilər ki, o, oxumursa, sən də oxumayacaqsan".

O, atasının bu tələbinə etiraz etdiyini bildirib:

"Mənə dedi ki, oxumaq istəyirsənsə, evi tərk elə. Atam attestatımı gizlətdikdən sonra mən də evdən çıxdım".

O.Bağırzadə qeyd edib ki, artıq universitetdə qeydiyyatdan keçib:

"Təhsil Nazirliyi rəhbərliyinin məsələyə xüsusi yanaşması nəticəsində qeydiyyatdan keçdim. Universitet mənə qalmaq üçün yataqxana da təşkil edib. Bundan sonra həm işləyib, həm təhsil alacağam".



Regioninfo.az ©2019 Bütün hüquqlar qorunur
Təsisçi: Demokratik Cəmiyyətin İnkişafına Yardım
İctimai Birliyinin sədri Əsgər Məmmədov
Tel: 012 566 28 48
Mobil: 055 485 68 08
İSTİFADƏ QAYDALARI Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.