Тег: qizi


Habil Əliyevin qızı koronavirusa yoluxdu

VuVu Uma - 4 месяцы тому назад
Mərhum Xalq artisti Habil Əliyevin qızı Vəfa Əliyeva koronavirusa tutulub.

Kulis.az xəbər verir ki, Vəfa Əliyeva xəstəxanada karantin rejimində olduğunu bildirib:

“Hazırda xəstəxanadayam. Məndə heç nə yox idi. Dördüncü gün səhər yuxudan oyananda qızdırmam olduğunu gördüm və artıq evdən çıxmadım. Mən özüm həkiməm, ona görə də belə halları başa düşürəm. Çünki xəstəlik, ümumiyyətlə, qızdırma periodunda yoluxdurur.

Qızdırmam əsasən 37.1, 37.2, 37.3 olurdu. Sizə deyim ki, elə yüksək hərarət yox idi. Həmin gün iki saatdan bir qızdırmamı ölçdüm. Üç gün dalbadal qızdırmam qalxıb düşdü. Qızdırma ilə yanaşı, tək-tək öskürək də vardı. Ondan sonra özüm “Referans” laboratoriyaya zəng vurdum.

Analizləri götürdülər, nəticələr müsbət çıxdı. Özüm gəldim Tədris Terapiya Mərkəzinə, dedim, istəyirəm, gedib müalicəmi alım, həkimlərin əlinin altında olum, qorxuram”.

Vəfa Əliyeva daha sonra əlavə edib:

“Evdə ailə üzvlərimi də karantinə alıblar, onlardan analizlər götürülüb. Üç-dörd günə cavab gələcək. Bu gün ciyərlərim rentgen olundu. Qan analizim təmiz çıxdı. Hər şey təmiz çıxdı, amma virusa yoluxmuşam. İmmunitetim, görünür, davamlı imiş ki, belə ağır keçirmədim. İndi sistem köçürülür.

Mən iyirmi beş min adama cavabdeh olan poliklinikada işləyirəm. Sonuncu günləri gücləndirilmiş iş rejimi ilə işlədim. Heç evə getmədik. Sutkalarla işdə qalırdım. İmmunitetim aşağı düşdü. Görünür, kimdəsə olub, kontaktda olmuşam, düşüb. Dünən bura 25 nəfər adam gətirilib. Əksəriyyəti də həkimdir.

Hazırda mən bir xanımla iki nəfərlik otaqda sistemin altındayam. Deyirlər ki, yoluxan həkimlər çoxdur. Həkimlərin yoluxması normaldır. Özümü psixoloji cəhətdən möhkəm saxlamağa çalışıram. Allaha şükür, dövlətimiz hər cəhətdən kömək edir.

19 yaşlı qızın yumurtalığından çənə sümüyü çıxdı – Azərbaycanda ŞOK

VuVu Uma - 5 месяцы тому назад
Bakıda ginekoloji əməliyyat zamanı hər kəsi heyrətləndirəcək hadisə baş verib.





19 yaşlı qız yumurtalıqların dermoid kisti səbəbindən laporoskopik əməliyyata alınıb. Kistin içindən çıxanlar isə Azərbaycanda nadir görülən tibbi klinik fakt kimi dəyərləndirilə bilər.



Medicina.az xəbər verir ki, Baku Medikal Plaza-da uzman cərrah mama ginekoloq Xəyalə Muradova tərəfindən icra olunan əməliyyatda kist çıxaran zaman kistin içindən böyük insana məxsus, üzərində dişlər olan üst çənə sümüyü, dil və saçlar aşkar olunub. Çənə sümüyü sanki protezə bənzəyir.



Təbii ki, qızın kiminsə çənə sümüyünü və ya prorezini bütov uda bilməsi ehtimalından söhbət gedə bilməz, bu halda belə səbəb tibdə istisna olunur. Bəs diş, çənə, dil yumurtalığa necə düşüb?



Medicina.az-a açıqlama verən uzman ginekoloq kliniki hala aydınlıq gətirdi.



Məlum oldu ki, hər şey pasiyent hələ ana bətnində olarkən başlayıb.



“Pasiyent yeni ailə qurmuş xanımdır. Sol qalça çuxurunda ağrılar, dözülməz ağrılı menstruasiya şikayətləri ilə gəlmişdi. USM müayinəsində yumurtalıqda 15 sm-lik dermoid kist içərisində sümük toxumasına bənzər toxuma, yağ, saç kütləsi görüldü. Laporoskopik əməliyyat zamanı kütlənin içini açarkən içərisində saç, piy kütləsi ilə yanaşı, böyük insanın üst çənə sümüyü, kiçik rudimentar dil toxuması aşkarladıq.



19 yaşlı qız yumurtalıqların dermoid kisti səbəbindən laporoskopik əməliyyata alınıb. Kistin içindən çıxanlar isə Azərbaycanda nadir görülən tibbi klinik fakt kimi dəyərləndirilə bilər.

Həyatımızın müəyyən dönəmində, daha gənc yaşlarda bu hüceyrələrdən kistlər əmələ gəlir. 3% hallarda xərçəngə çevrilmə ehtimalı olduğu üçün kistlər xaric edilməlidir.



Bu pasiyentdə hüceyrələr alt çənə kimi inkişaf edərək böyümüş, hətta dişlər də əmələ gəlmişdir. Sanki yumurtalıq saçlı, dişli, damaqlı, dilli yeni bir orqanizm yaratmağa çalışıb, amma proses yarımçıq qalıb. Belə deyək, bu çənənin yaşı pasiyentin yaşı qədərdir.

Azərbaycanın “qara qızıl”ın qiymətinin ucuzlaşmasına qarşı iqtisadi immuniteti var

VuVu Uma - 5 месяцы тому назад
Dünya bazarlarında “Brent” markalı neftin qiymətinin 35 dollara düşməsi iqtisadi çevrələrin müzakirəsindədir.

Neftin qiymətinin ucuzlaşmasının Azərbaycana təsir edəcəyi barədə də fikirlər səsləndirilir.

Qeyd edək ki, Azərbaycanın 2020-ci ilin dövlət büdcəsində bir barel beftin qiyməti 55 dollardan götürülüb.

Neftin ucuzlaşmasının Azərbaycana təsirləri ola bilər, belə ki, neftdən gələn gəlirlər azalar. Amma bu, iqtisadiyyat üçün şok effekti yaratmır.Son illər Azərbaycanda ümumi daxili məhsul (ÜDM) artıb. 2019-cu ildə ölkənin ÜDM-i əvvəlki illə müqayisədə, 2,2 faiz artaraq, 81 milyard 681 milyon manata çatıb.

Üstəlik, Azərbaycanın strateji valyuta ehtiyatları 52 milyard manatı keçib.

Neft ixrac edən ölkələr üçün strateji valyuta ehtiyatları çox vacibdir. Strateji valyuta ehtiyatlarının çox olması dayanıqlı, balanslı iqtisadi inkişafa zəmin yaradır.

Üstəlik, Dövlət Neft Fondunun ehtiyatları kifayət qədərdir, lakin ondan səmərəli istifadə etmək lazımdır.Kənd təsərrüfatının da inkişafı, idxaldan asılılığın azalması da Azərbaycan iqtisadiyyatının dayanıqlılığını təmin edir.

Xatırladaq ki, martın 6-da Vyanada OPEC-ə üzv və qeyri-OPEC ölkələrinin (OPEC+) nazirlərinin görüşü nəticəsiz başa çatıb. Koronavirusun dünyada yayılması “qara qızıl”ın qiymətinə mənfi təsir edib.

OPEC neft hasilatının gündəlik daha 1,5 milyon barel azaldılması və mövcud sazişin müddətinin ilin sonuna qədər uzadılması təklifilə çıxış edib. Lakin, Rusiya bu təklifə qarşı çıxıb.

Bundan başqa, Səudiyyə Ərəbistanı da hasilatı artırmaq – gündəlik 10 milyon barelə qaldırmağa qərar verib. Ekspertlərin fikrincə, Səudiyyə Ərəbistanının məqsədi Rusiyanın neft bazarlarında mövqeyini zəiflətməkdən ibarətdir.
Нет сообщений для отображения
Нет сообщений для отображения
Нет сообщений для отображения
Нет сообщений для отображения