Тег: prezident


Prezidentin gələcək üçün sosial mesajları - ŞƏRH

VuVu Uma - 3 месяцы тому назад
Statistik məlumatlara əsasən, son 16 ildə Azərbaycanda ümumi daxili məhsul istehsalı 3.4, əhalinin nominal gəlirləri 9.9, minimum əməkhaqqı 27.8, əmək pensiyasının minimum məbləği 10 dəfə artıb.

Dövlət Statistika Komitəsinin göstəricilərinə görə, müvafiq dövrdə iqtisadi əlaqələrin genişləndirilməsi, sosial layihələrin həyata keçirilməsi nəticəsində işsizlik səviyyəsi 9,2 faizdən 4,8 faizə, yoxsulluq səviyyəsi 44,7 faizdən 4.8 faizə enib. Bu illər ərzində 2 milyon 369 min iş yeri yaradılıb.

Bununla yanaşı, Prezidentin 7 aprel 2016-cı il tarixli 1941 nömrəli “Əhalinin özünüməşğulluğunun təmin olunması sahəsində əlavə tədbirlər haqqında” sərəncamına əsasən, Azərbaycanda özünüməşğulluq proqramı həyata keçirilir.

Proqram çərçivəsində fərdi təsərrüfatlarının təməlini qoymaq və ya inkişaf etdirmək üçün aztəminatlı ailələrə dövlət vəsaiti hesabına birbaşa natura şəklində mal, material və digər əmlakın verilməsi ilə (nağd vəsait olmamaq şərti ilə) dəstək göstərilir. Ailə təqdim etdiyi biznes-plana uyğun olaraq, istehsal və ya xidmət avadanlıqları ilə təmin edilir.

Ən son rəsmi məlumatlara əsasən, respublika üzrə 12 min insan özünüməşğulluq proqramı ilə əhatə olunub.

Rəqəmlər onu deməyə əsas verir ki, Azərbaycan dövləti üçün ölkə üzrə işsizlik səviyyəsinin minumuma endirilməsi, genişmiqyaslı sosial proqramlarla əhalinin rifah halının yaxşılaşdırılması ən ümdə vəzifədir.Dövlət sosial prioritetlərin icrasını sürətləndirmək və şaxələndirmək üçün əlavə tədbirlər də həyata keçirir və bunlar həm də perspektivə hesablanıb.

Bu strateji xəttin reallaşmasında gənclərin də üzərinə böyük məsuliyyət düşür.

Mayın 19-da Prezident İlham Əliyev Əmək və Əhalinin Sosial Müdafiəsi Nazirliyinin tabeliyində olan Dayanıqlı və Operativ Sosial Təminat Agentliyinin Bakının Nizami rayonunda yerləşən 3 saylı DOST mərkəzinin açılışı zamanı AzTV-yə müsahibəsində bildirib ki, bu gün gənclərimiz bilik, peşəkarlıq, yenilik, müasirlik baxımından ən yüksək meyarlara cavab verirlər.

“Eyni zamanda, onu da bildirməliyəm ki, gənclər xoşagəlməz hallara qarşı da mübarizədə bizə böyük dəstək olurlar. Bütövlükdə gələcəkdə Azərbaycanı idarə edəcək insanlar bugünkü gənclərdir. Ona görə onların bilikləri və eyni zamanda, vətənpərvərliyi bizim müstəqilliyimizi daim gücləndirəcək və ölkəmizin uzun illər, onilliklər bundan sonra dayanıqlı inkişafını təmin edəcək”, - deyə Prezident gənclərin idarəetmədə roluna diqqət çəkib.

Ölkə başçısı deyib ki, Azərbaycanda ödənişli ictimai iş yerlərinin - 90 min iş yerinin açılması nəzərdə tutulur.

Koronavirus pandemiyasına baxmayaraq, Azərbaycanda sosial proqramların heç birinin ixtisar olunması gözlənilmir. Dövlət hətta bəzi təcili olmayan layihələri arxa plana atmaqla büdcə xərclərinin əhəmiyyətli bir hissəsini sosial sahəyə yönəltmək niyyətindədir.

İlham Əliyev CISCO şirkətinin rəhbərləri ilə görüşdü - YENİLƏNİB

VuVu Uma - 3 месяцы тому назад
Mayın 15-də CISCO şirkətinin təşəbbüsü ilə Azərbaycan Respublikasının Prezidenti İlham Əliyevlə bu şirkətin icraçı vitse-prezidenti və baş maliyyə direktoru xanım Kelli Kramer, vitse-prezidenti Qay Ditrix və CISCO rəhbərliyinin digər nümayəndələri arasında videokonfrans keçirilib.

AZƏRTAC xəbər verir ki, Azərbaycan Prezidentini salamlayan CISCO şirkətinin icraçı vitse-prezidenti və baş maliyyə direktoru xanım Kelli Kramer dedi:

-Sabahınız xeyir, cənab Prezident.

Prezident İlham Əliyev: Sizi görməkdən çox şadam, sabahınız xeyir. Amma sizin üçün axşamınız xeyir olsun. Sizdə indi axşamdır.

Kelli Kramer: Bəli. Sizi görməkdən olduqca məmnunam. Sizi sonuncu dəfə Davosda görmüşdüm. Amma üstündən, görünür, son hadisələrdən sonra çox vaxt keçir.

Prezident İlham Əliyev: Bəli, sizi yenidən görməyimə çox şadam və çox yaxşıdır ki, bizim bir-birimizlə danışmaq və Davosda keçirdiyimiz görüşdən sonra görülmüş işləri nəzərdən keçirmək, eləcə də növbəti addımları planlaşdırmaq üçün bu fürsətimiz var.

Kelli Kramer: Elədir ki, var. Hesab edirəm ki, bir çox maraqlı hadisələr baş verməkdədir. Mən, sadəcə, bizimlə görüşdüyünüzə görə Sizə bir daha təşəkkürümü bildirmək istərdim. İcazənizlə, başqa bir məsələni də deyərdim. Əslində, yaxşı və xoş təəssürat bağışlayan haldır ki, COVID-19 virusu ilə əlaqədar Türkdilli Dövlətlərin Əməkdaşlıq Şurasının toplantısında və Qoşulmama Hərəkatının görüşünün təşkil edilməsində liderlik səylərinizi nümayiş etdirdiniz. Çox böyük təəssürat bağışladı. Bir daha bu işlərə rəhbərlik etdiyinizə görə Sizə minnətdarıq.

Onu da söyləməliyəm ki, CISCO-nun teleiştirak texnologiyasından istifadəni görmək də çox yaxşı hal oldu. Bir sözlə, əgər bununla Sizə kömək edə bildiksə, bu, çox xoşdur. Sizi görmək fürsətini də dəyərləndiririk. Buna görə minnətdarıq.

Prezident İlham Əliyev: Sağ olun.

Sonra CISCO şirkətinin vitse-prezidenti Qay Ditrix çıxış edərək dedi:

-Sizi görməyimə çox məmnunam. Bu gün bizə vaxt ayırdığınıza görə olduqca minnətdaram. Mən üç sahəni əhatə edəcəyəm. Müzakirə etmək istədiyimiz üç sahə belədir: “Smart ölkə”, təhsil və kibertəhlükəsizlik. Onların hamısı Sizin əsas prioritetlərinizlə bağlıdır. Siz onları təxminən iki il əvvəl bizim qarşımızda təsvir etdiniz. Biz ildə iki dəfə Bakıda, yaxud Davosda keçirdiyimiz görüşlərdə Sizə yenilikləri çatdırırdıq.

“Ağıllı şəhər” layihəmiz yəqin ki, xatirinizə gəlir. Biz, əslində, “Ağıllı avtovağzal” ilə başladıq və şəhərdə həmin sahəyə aid bütün müxtəlif cəhətləri əlavə etdik. Özü də bu addımı hərtərəfli sınaq formatında atdıq. Nəticə inanılmaz dərəcədə uğurlu oldu. Çoxsaylı müsbət rəylər daxil oldu. Çox yaxşı məlumatlar toplanıldı.

Qay Ditrix ölkəmizdə icra olunan birgə layihələrdən danışdı, bu layihələrin çox gözəl nəticələr verdiyini bildirdi. CISCO şirkətinin vitse-prezidenti Azərbaycanın müvafiq strukturları ilə çox uğurlu əməkdaşlığın həyata keçirildiyini dedi və bu əməkdaşlığın təcrübə qazanmaq baxımından əhəmiyyətini vurğuladı. O, təmsil etdiyi şirkətlə “Quantelo” şitkəti arasında həyata keçiriləcək əməkdaşlığın perspektivləri barədə də danışdı, vahid məlumatlar sisteminin yaradılması istiqamətində görülən işləri qeyd etdi və bunun ümumi daxili məhsulun artımı, iş yerlərinin yaradılması və innovasiyaların tətbiq edilməsi işinə xidmət edəcəyini bildirdi. Qay Ditrix “Ağıllı məktəblər” layihəsinə toxunaraq dedi:

-Cənab Prezident, ümumi məqsədimiz bir-biri ilə bağlantısı olan “Ağıllı məktəblər” və təhsil proqramlarını yaratmaqdır ki, bu sahədə qlobal liderlik qazanılsın. Sizin qeyd etdiyiniz miqyas və öhdəlik tam uyğundur. Biz bunun öhdəsindən gələ və təhsilin səviyyəsini qaldıra bilərik. Həmin bir-biri ilə bağlantısı olan məktəblər vasitəsilə Sizin dünyadakı statusunuz qalxacaq.

Prezident İlham Əliyev: Çox sağ olun. Siz haqlı olaraq qeyd etdiyiniz kimi, biz iki mühüm tədbirin təşkilində Sizin əla avadanlığınızı istifadə etdik. Texniki nöqteyi-nəzərdən deyə bilərəm ki, hər iki tədbir çox gözəl baş tutdu, çünki bu iş asan deyildi. Əgər türkdilli dövlətlərin Sammiti cəmi bir neçə dövləti əhatə edirdisə, ikinci tədbirə gəldikdə, iştirakçılar qırxdan artıq idi. Orada, həmçinin beynəlxalq təşkilatlar var idi. Yeri gəlmişkən, ilk dəfə idi ki, Qoşulmama Hərəkatı və Avropa İttifaqı eyni tədbirdə iştirak edirdi. Əvvəllər, bu, heç zaman baş verməmişdir. Azərbaycan həmin iki mühüm beynəlxalq tədbiri başladı. Təbii ki, onların hər ikisi koronavirusla və beynəlxalq səviyyədə onunla mübarizə ilə əlaqəli idi. Sizə deyə bilərəm ki, texniki dəstək əla idi. Mən bu fürsətə görə minnətdaram. Hazırda bu imkanlardan sizinlə söhbət etmək üçün istifadə edirik. Yeri gəlmişkən, sizə deyə bilərəm ki, mənim sizin əla sisteminiz vasitəsilə həmkarlarımızla, yəni, dövlət başçıları ilə artıq bir neçə söhbətim olub. Lakin bu, ilk dəfədir ki, mən şirkətin rəhbərləri ilə bu cür söhbət edirəm. Fikrimcə, xoş təsadüfdür ki, bu, CISCO-dur. Bu, ölkələrimiz arasında çox sıx və deyərdim ki, strateji tərəfdaşlığı nümayiş etdirir. İlk bu cür söhbət apardığım şirkət Birləşmiş Ştatları təmsil edən şirkətdir. Yeri gəlmişkən, sizə deyə bilərəm ki, dünən mən Prezident Trampdan məktub almışam. O, məni və Azərbaycan xalqını qarşıdan gələn Respublika Günü münasibətilə təbrik edib. Öz məktubunda Prezident Tramp yazır ki, təxminən 30 ildir Birləşmiş Ştatlar və Azərbaycan beynəlxalq təhlükəsizliyi, enerji təchizatının şaxələndirilməsini, siyasi islahatlar məsələlərini təmin etmək üçün birgə işləyirlər. Həmin məktubda, o, xüsusi olaraq qeyd edir ki, iki böyük dövlətimiz gələcəkdə daha çox işlər görəcək. Bu, ABŞ ilə Azərbaycan arasında dostluğun çox mühüm təzahürüdür.

Qeyd etdiyiniz məsələlərə gəldikdə, biz onları əvvəllər müzakirə etmişik. Şadam ki, Davosda keçirdiyimiz görüşdən sonra böyük irəliləyişə nail olmuşuq. Heyətim mənə məlumat verib ki, bu sahələrdə, xüsusən də müzakirə etdiyimiz kimi “Ağıllı şəhər” layihəsi sahəsində işlər yaxşı gedir. İndi isə siz yeni “Smart ölkə” ideyası ilə çıxış edirsiniz. Nəinki şəhər infrastrukturu, nəqliyyat, dayanacaq yerləri və bəzi digər şəhər infrastrukturu, o cümlədən qlobal “Smart ölkə” konsepsiyası ortaya çıxır və biz onu tam dəstəkləyirik. Söylədiyiniz kimi, o, təhsili, kibertəhlükəsizliyi, səhiyyəni və əvvəlcə müzakirə etdiyimiz kimi, əlavə edərdim ki, kənd təsərrüfatı və su ehtiyatlarının idarə olunmasını əhatə edir. Mən buna sonradan qayıdacağam. Lakin ilk olaraq mənə sizin “Quantela” şirkəti ilə əməkdaşlığınız haqqında məlumat verildi. Əlbəttə ki, biz bunu tam dəstəkləyirik. “Smart ölkə” layihəsinin inkişaf gündəliyi üzrə tam tədqiqatın, bir növ “yol xəritəsi”nin hazırlanması da fikrimcə, çox faydalı olardı.

Bundan sonra, qarşımızda tam mənzərə aydınlaşacaq. Atacağımız addımların planı hazır olacaq və yekun nəticə çıxacaq və bu nəticəyə nail olmaq üçün hansı növ ehtiyatların toplanmasına ehtiyac duyulduğunu da biləcəyik. Hazırkı vəziyyətdə “bir-biri ilə bağlantısı olan məktəblər” və təhsil proqramı üçün verdiyiniz dəstək çox vacibdir, çünki sizə məlumat vermək istəyirəm ki, məktəblərimiz və universitetlərimiz koronavirusa görə martın əvvəlindən bağlanıb və tədris ilinin sonuna qədər onlar, birmənalı olaraq, açılmayacaq. Koronavirusla bağlı işlərin gedişini, onun necə olacağını hələ görməliyik. Bu günə qədər vəziyyət nəzarət altındadır. Çox az sayda ölənlər var və ciddi məhdudlaşdırıcı tədbirlər sayəsində yoluxmuş insanların sayı da nisbətən aşağıdır. Lakin hazırda biz dünyanın demək olar ki, bütün ölkələri kimi artıq açılış prosesindəyik. Buna görə məsafədən təhsil imkanları həqiqətən çox vacibdir. Əgər bizdə bütün məktəblərimizin tam bağlantısı olan sistem olarsa onda bu, çox böyük imkana çevriləcək. Siz dediyiniz kimi, bu halda Azərbaycan aparıcı ölkələrdən biri olacaq.

Kibertəhlükəsizliklə bağlı məsələyə gəldikdə, biz bunu, həmçinin əvvəllər müzakirə etmişik. Əvvəlcə müzakirə etdiyimiz kimi və mən də qeyd etdiyim kimi, həmin yeni islahatlar gündəliyində əsas məqsəd ümumi daxili məhsulu artırmaq, iş yerlərini açmaq və bunun üçün innovativ texnologiyalardan istifadə etməkdən ibarətdir. Hazırkı koronavirus şəraitində, əvvəlcə qeyd etdiyim kimi, bu məsələlər daha da vacibdir. Çünki demək olar ki, bütün ölkələrin ümumi daxili məhsulu zərbə altındadır. Bununla belə, bu ilin dörd ayında bizdə ümumi daxili məhsulun artımı 0.2 faiz səviyyəsində olub. Lakin anlayırıq ki, növbəti ay çox güman bu göstərici də aşağı düşəcək. Sənaye sektorunda vəziyyət daha yaxşıdır. Bizim qeyri-enerji sənayesində 13 faizdən artıq artım olub. Lakin, əlbəttə, koronavirus ümumi daxili məhsula və iş yerlərinə zərbə vurur, çünki biz, təbii ki, işsizliyin artmasını hesablayacağıq. Amma onun qarşısını almaq üçün 2 milyard avro həcmində çox ciddi iqtisadi və sosial paketi işə salmışıq. İqtisadiyyatın hazırda tam bağlandığı sahələrdə işlərini itirmiş insanları qorumaq üçün bunu edirik. Məsələn, turizm. O, indi sıfır səviyyəsindədir. Bir sözlə, bu məsələlər hazırda daha çox əhəmiyyət kəsb edir. Hesab edirəm ki, biz diqqətimizi onun üzərinə yönəldəyəcəyik.

İndicə danışdığımız məsələlərdən başqa, fikrimcə, biz digər sahələrdə də işləyə bilərik. Bilirəm ki, siz kənd təsərrüfatının rəqəmsallaşdırılması ilə bağlı artıq təmasdasınız. Bu sektor hazırkı vəziyyətdə neft qiymətlərinin tənəzzülü ilə aparıcı sektorlardan biri olacaq. Buna görə kənd təsərrüfatı məşğulluq, ərzaq təhlükəsizliyi və ixrac deməkdir. Gözəçarpan nəticələrə nail olmaq üçün bizim su ehtiyatlarımıza çox ciddi elektron nəzarət sistemimiz olmalıdır. Elə bu yaxınlarda mən Baş Nazirin müavininin rəhbərliyi altında xüsusi dövlət komissiyasının yaradılması ilə bağlı Sərəncam imzalamışam. Onlar artıq işə başlayıblar. Bir çox nazirlər həmin komissiyanın üzvləridir, çünki bizim çoxlu itkilərimiz olub. Ötən il isə bizdə çox ciddi quraqlıq oldu. Bu il, həmçinin gözlənilir. Düzdür, daha yüngül olsa da, amma yenə də proqnozlaşdırılmayan haldır. Hava şəraiti gözlənilməz şəkildə dəyişir.

Beləliklə, su ehtiyatlarımızın düzgün qiymətləndirilməsi, layihənin prioritetlərinin müəyyənləşdirilməsi, su ehtiyatlarının və balansın elektron idarə edilməsi qarşıdan gələn illərdə bizim üçün ən vacib məsələdir.

Azərbaycanda infrastruktur layihələrinin əksəriyyətinin artıq tamamlandığını nəzərə alsaq, bu, infrastruktur layihələri sırasında bir nömrəli layihə olacaqdır ki, onun icrası nəticəsində su ehtiyatlarına nəzarət, idarəedilmə və bərabər bölgü təmin olunacaq. Çünki burada narahatlıq doğuran məsələlərdən biri odur ki, bəzən su ehtiyatlarının paylanılması zamanı yerli icra orqanları bunu qeyri-bərabər şəkildə edirlər və nəticədə müəyyən şirkətlər qrupu əsassız üstünlük əldə edir. Bu ədalətsizlik isə öz növbəsində, ciddi çətinliklər yaradır. Bu səbəbdən hesab edirəm ki, bu məsələ də bizim gündəliyimizə əlavə edilə bilər və beləliklə, biz gələcəkdə hansı işlərin görüləcəyi ilə bağlı geniş mənzərəyə malik olacağıq.

Qay Ditrix: Çox gözəl. Cənab Prezident, biz çağırışları sevirik. Su ehtiyatlarının idarə edilməsi dünyanın hər yerində çağırışdır. Biz bu sahədə bir sıra layihə və texnologiyalara malikik. Bu, təkcə su ehtiyatlarının idarə edilməsi və nəzarət deyil. Buraya müvafiq sahədə qanunvericilik də daxildir. Çünki dünyanın elə bölgələri var ki, orada infrastruktur olduqca inkişaf etmiş səviyyədədir, lakin orada boru kəmərlərinin zədələnməsi nəticəsində böyük su itkisi baş verir. Mən iki layihəni nəzərdə tuturam ki, biz pilot layihə çərçivəsində orada sensor texnologiyasının tətbiqi və su ehtiyatları sahəsində qanunvericiliklə bağlı məlumatın toplanılması ilə məşğuluq. Biz, əlbəttə, Sizinlə də bu sahədə çalışa bilərik.

Daha bir mövzu “Ağıllı kənd təsərrüfatı”dır. Siz bu sahədə olduqca irəlidəsiniz və Sizin kənd təsərrüfatının inkişafı ilə bağlı baxışınızı reallaşdırmaq üçün müvafiq texnologiyalar artıq mövcuddur.

Azərbaycan Prezidentinin köməkçisi Şahmar Mövsümov “Ağıllı şəhər” layihəsinə toxundu və bu istiqamətdə görülən işlərdən danışaraq dedi:

-Çox təşəkkür edirəm cənab Prezident. CISCO şirkəti ilə çox yaxşı əməkdaşlığımız var. Biz irəli sürülmüş və tərəfinizdən qəbul edilmiş “Smart ölkə” ideyası üzərində çalışacağıq. Düşünürəm ki, bu istiqamətdə “yol xəritəsi”nin, büdcənin və bütün vacib göstəricilərin olması çox önəmlidir. Ümid edirəm ki, “Ağıllı şəhər” layihəsinin icrası mərhələsi yaxınlaşanda biz artıq bu koronavirus məsələsini geridə qoyaraq normal həyata dönəcəyik. Təşəkkür edirəm.

Azərbaycanın Nəqliyyat, Rabitə və Yüksək Texnologiyalar naziri Ramin Quluzadə CISCO şirkəti ilə əməkdaşlığa toxundu və indiyədək həyata keçirilən layihələrdən danışaraq dedi: Cənab Prezident, hörmətli həmkarlar. CISCO şirkəti ilə əməkdaşlığımız koronavirus pandemiyası dövründə də uğurla davam etmişdir. CISCO şirkətinin bulud platforması və şəbəkə texnologiyalarından istifadə etməklə videokonfrans şəklində mühüm tədbirlər təşkil edilmişdir. Bununla yanaşı, müvafiq texnologiyalar vasitəsilə tərəfimizdən dövlət qurumları üçün virtual görüşlərin təşkili və onlayn xidmətlər təklif edilir. Hazırda biz 8 rəqəmsal prioritet üzərində çalışırıq.

Prezident İlham Əliyev: Hesab edirəm ki, bugünkü müzakirəmiz olduqca vacib və ümidverici idi. Bu təşəbbüslərin tərəfinizdən dəstəklənməsinə görə sizə bir daha təşəkkür edirəm. Biz ölkəni müasirləşdirmək arzusunda olduğumuzla bağlı çoxlu müzakirələr aparmışıq və hər kəs anlayır ki, müasir texnologiyalar olmadan bu, mümkün deyil. Bu səbəbdən, zənnimcə, bu gün müzakirə etdiklərimiz icra olunacaq, çünki əvvəl planlaşdırdığımız bütün təşəbbüslər artıq həyata keçirilib.

Su ehtiyatlarının idarə edilməsi məsələsinə qayıdaraq, siz su itkisi məsələsini düzgün qeyd etdiniz və bizdə də belə problem var. Bəzi hallarda Azərbaycanda su itkisi 40 və hətta 50 faiz təşkil edir. Biz yalnız su itirmirik, biz həm də torpağa ziyan vururuq, çünki torpaq yuyulur və daha sonra kənd təsərrüfatı üçün yararsız olur. Düşünürəm ki, səylərimizi birləşdirərək və sizin təcrübənizdən faydalanaraq biz məhsuldarlığı artırmaqla böyük uğura nail ola bilərik.

Bizim münbit torpaq ehtiyatımız məhduddur. Kənd təsərrüfatı məhsulları ilə özümüzü təmin etmək və ixrac qabiliyyətimizi gücləndirmək üçün biz məhsuldarlığı artırmalıyıq. Bu isə yalnız müasir texnologiyaların tətbiqi nəticəsində mümkündür.

Sonra CISCO şirkətinin Rusiya və MDB ölkələri üzrə vitse-prezidenti Conatan Spərrou çıxış edərək dedi:

-Cənab Prezident, həmkarlarımın burada dediklərinə mən də qoşuluram. CISCO şirkətinin Azərbaycan Respublikası ilə əməkdaşlığı fantastik olmuşdur və biz bu əməkdaşlığın davamlı olmasını arzulayırıq.

Daha Sonra CISCO-nun Azərbaycan üzrə regional direktoru Vladimir Orlov çıxış edərək dedi:

-İstərdik ki, Beynəlxalq Avtovağzal Kompleksi regionda icra etdiyimiz bütün pilot layihələr sırasında parlayan bir ulduz olsun. İstərdik ki, şəhərdə tətbiq oluna biləcək bütün texnologiyalar burada istifadə edilsin və biz daha sonra bu layihəni digər dövlətlərə də təklif edəcəyik. “Smart ölkə” layihəsi uzunmüddətli perspektivdə ölkə üçün faydalı olacaq. Burada söhbət yalnız vahid ölkə idarə lövhəsi layihəsindən getmir. Buraya səhiyyə, neft-qaz və digər arzuladığınız sahələr də əlavə edilə bilər. Kibertəhlükəsizlik sahəsində biz “Azərenerji” ilə əməkdaşlıq edirik.

Prezident İlham Əliyev: Təşəkkür edirəm. Hesab edirəm ki, yeni əməkdaşlıq formatımızın strukturu rəsmi müəyyən edildikdən sonra bizim qısamüddətli icra planımız olmalıdır, çünki bizim bu məsələlərə ciddi ehtiyacımız var. Müasir dünyada təhlükəsizlik bir nömrəli məsələdir və buraya enerji təhlükəsizliyi də daxildir. Bu səbəbdən kiberhücumlara qarşı müdafiənin bizim üçün əhəmiyyəti daha da artacaq. Bu yaxınlarda, pandemiya vaxtı mən “Azərenerji”nin əməliyyat mərkəzinin açılışında iştirak etdim və burada SCADA sistemi daxil olmaqla bütün əməliyyat sistemləri çalışır. Bizim enerji infrastrukturunun müasirləşdirilməsi ilə bağlı böyük planımız var. Mövcud elektrik stansiyalarında yenidənqurma və təmir işləri aparmaqla biz elektrik enerjisi istehsalında ən azı 600 meqavatlıq artım əldə edə bilmişik. Yəni, yalniz resursların optimallaşdırılması sayəsində biz səmərəliliyi artıraraq böyük generasiya gücü əldə etmişik. Beləliklə, bu, əlbəttə, bizim üçün prioritet təşkil edən məsələ olacaq. Səhiyyəyə gəldikdə, hər kəsə aydın oldu ki, koronavirusla uğurlu mübarizədə bu, mühüm amildir. Bütün məhdudlaşdırıcı və təşkilati tədbirlərlə yanaşı, burada həlledici rolu xəstələri müalicə edən həkimlər oynayır. Bu səbəbdən, çox qısa müddət ərzində bizim səhiyyə sistemimiz restrukturizasiya olundu. Biz ən yaxşı xəstəxanalarımızı koronavirus xəstələrinin ixtiyarına verdik. Bu gün 20-dən artıq xəstəxana istifadə edilir. Deyə bilərəm ki, bəzi ölkələrdə ölüm hallarının yüksək səviyyədə olmasının səbəbi xəstəxanalarda çarpayı qıtlığı ilə əlaqəlidir. Onlar fiziki olaraq bütün xəstələri qəbul edə bilmir. Koronavirusun ikinci dalğası baş verdiyi halda Azərbaycanda kifayət qədər əlavə çarpayı mövcuddur. Beləliklə, səhiyyə sisteminin müasirləşdirilməsi heç vaxt olmadığı qədər əhəmiyyətlidir, çünki koronavirusun nə vaxta qədər yayılacağını heç kəs bilmir.

CISCO-nun Ukrayna üzrə regional direktoru Oleq Bodnar kibertəhlükəsizlik sahəsində əməkdaşlıqdan danışdı. Su itkisi məsələsinə gəldikdə isə o dedi:

-Su itkisi məsələsinə gəldikdə, bu, maraqlı mövzudur və bu sahədə regionda bizim hazırda həyata keçirdiyimiz layihə yoxdur. Bu baxımdan, Avropa və Amerikada olan təcrübəni Azərbaycana gətirmək çox yaxşı olardı. Sizinlə çalışmaq fürsətinə görə təşəkkür edirəm.

Xanım Kelli Kramer dedi:

-CISCO heyəti və Azərbaycan arasında keçirilən bu görüş çox səmərəlidir. Cənab Prezident, Sizin kimi liderin texnologiyaya belə açıq olması və onun ölkə üzrə tətbiqinə hazır olması məmnunedici haldır. Şadam ki, CISCO bu sahədə Sizinlə əməkdaşlıq edir və hesab edirəm ki, qeyd etdiyimiz məsələlərin icrasını sürətləndirə bilərik. Bu əməkdaşlığın davamlı olmasını arzulayıram. Siz təkcə regionda deyil, dünya çapında texnologiyaya dəstək verən liderlərdənsiniz və bu işdə öndə getdiyinizə görə Sizə təşəkkür edirəm. Düşünürəm ki, biz bu tərəfdaşlığı yaratmaqla ölkəniz haqqında da çox şey öyrənə bilərik.

Prezident İlham Əliyev: Çox təşəkkür edirəm. Əməkdaşlığa və dəstəyinizə görə sizə minnətdaram. Əminəm ki, bizim strateji tərəfdaşlığımız yalnız güclənəcək. Çünki bizim ölkənin müasirləşdirilməsi ilə bağlı gündəliyimiz, sizin isə texnologiyanız var. Bizim uzun illərdir ki, əməkdaşlıq təcrübımiz var. Artıq qeyd etdiyim kimi, burada layihələrin uğurlu icrası birgə səylərimizin ən yaxşı təzahürüdür. Bizim baxışlarımız tam üst-üstə düşür və potensialımızı səfərbər etməklə biz nisbətən qısa müddət ərzində çox işlər görə bilərik. Bu isə bizim Azərbaycanın müasirləşdirilməsi baxışımıza tam uyğun olacaq. Koronavirus pandemiyası başa çatdıqdan sonra sizi Bakıda görməyə ümid edirəm. Xatırlayıram ki, sizi buraya dəvəm etmişəm və beləliklə, müzakirəmizi regional formatda davam etdirə bilərik.

Prezidentdən məsuliyyətsiz vətəndaşlara XƏBƏRDARLIQ: “Elə bil məktəb uşaqlarıdır”

VuVu Uma - 3 месяцы тому назад
Mayın 7-də Bakıda modul tipli ilk xəstəxana kompleksinin açılışı olub.

Prezident İlham Əliyev və Birinci vitse-prezident Mehriban Əliyeva modul tipli xəstəxana kompleksinin açılışında iştirak ediblər.

Prezident qeyd edib ki, Azərbaycanın koronavirusa qarşı mübarizə sahəsində təcrübəsi ən mütərəqqi və ən insansevər təcrübədir.

Dövlət həmişə bəyan edib ki, Azərbaycan üçün başlıca məsələ vətəndaşların sağlamlığıdır. Azərbaycanda formalaşdırılmış müasir səhiyyə sistemi koronavirusla mübarizə sahəsində bütün lazımi tədbirləri görməyə imkan verir.

Amma bəzi vətəndaşların məsuliyyətsizliyi səbəbindən karantin rejiminin qaydaları pozulur.

Bu isə infeksiyaya yoluxmanın xəstəlikdən sağalma hallarını üstələməsi ilə nəticələnir.

Buna görə də insanların məsuliyyətsiz davranışı davam edəcəyi təqdirdə, karantin rejimi əvvəlki vəziyyətə gətiriləcək və sərtləşdiriləcək.

Prezident İlham Əliyev çıxışında bu barədə danışıb:

“Son 2-3 gündə xəstələnənlərin sayının sağalanların sayından çox olması, kəskin artarsa, - mən bunu açıq demək istəyirəm və hər kəs bunu bilsin, - biz məcbur olub karantin rejimini əvvəlki vəziyyətə gətirəcəyik, sərtləşdirəcəyik, qaydaları pozanlara qarşı da daha ciddi cəza tədbirləri görüləcək ki, biz vəziyyəti daim nəzarətdə saxlayaq”.

Prezidentin sözlərinə görə, bəzi məsuliyyətsiz vətəndaşlar heç bir qaydalara əməl etmirlər, maska taxmırlar, məsafə saxlamırlar, özlərini elə aparırlar ki, sanki virus artıq məhv olub.

“Buna qətiyyən yol vermək olmaz. Ona görə bu adamlara qarşı ciddi tədbirlər görüləcək. Hamı bunu bilsin və nəticə çıxarsın. Biz imkan verə bilmərik ki, hansısa məsuliyyətsiz vətəndaşlara görə insanların həyatı risk altına düşsün. Qətiyyən mümkün deyil”, - deyə Prezident əlavə edib.

Koronavirusun yayılmaması üçün vətəndaşların şəxsi məsuliyyəti mühüm şərtdir. Maska taxmaq, məsafə saxlamaq, tez-tez əlləri yumaq, dezinfeksiya vasitələrindən istifadə etmək bir qayda olmalıdır.

“Biz televiziyada görürük, növbə var, adamlar öz aralarında bir metr yarım, iki metr məsafə saxlayırlar, maska taxırlar. Amma bizdə məsafə saxlayan var? Açın, istənilən kanala baxın. Dünən mən baxmışam, bankın qabağında bir-birinin yanında durublar, maska yox, müxbirlər soruşurlar ki, nə üçün? Elə bil ki, məktəb uşaqlarıdır, min cür bəhanə gətirirlər - yadımdan çıxdı, havada maska lazım deyil, cibimdədir. Biz belə münasibətə dözə bilmərik. Bu, zarafat deyil. Hər kəs bunu çox ciddi qəbul etməlidir”, - deyən Prezident əlavə edib ki, belə adamlara qarşı ciddi cəza tədbirləri görüləcək:

Prezident bu məhkəmələrə hakim və sədrlər təyin etdi - SƏRƏNCAM

VuVu Uma - 3 месяцы тому назад
Azərbaycan Respublikası Prezidenti İlham Əliyev bir sıra birinci instansiya məhkəmələri hakimlərinin və sədrlərinin təyin edilməsi və bəzi birinci instansiya məhkəmələri hakimlərinin vəzifələrinin dəyişdirilməsi haqqında sərəncam imzalayıb.

Bununla bağlı AZƏRTAC məlumat yayıb.

Sərəncamda deyilir:

1. “Məhkəmələr və hakimlər haqqında” Azərbaycan Respublikası Qanununun 94-cü maddəsinə və 97-ci maddəsinin ikinci hissəsinə uyğun olaraq, aşağıdakı hakimlər birinci instansiya məhkəmələrinin hakimləri və sədrləri təyin edilsinlər:

inzibati məhkəmələr üzrə:

Araz Firidun oğlu Hüseynov Bakı İnzibati Məhkəməsinin sədri təyin edilsin;

Zəfər Arif oğlu Quliyev Göyçay Rayon Məhkəməsinin hakimi və sədri vəzifəsindən azad edilərək Gəncə İnzibati Məhkəməsinin hakimi və sədri təyin edilsin;

İmran Ramazan oğlu Burcayev Bakı Kommersiya Məhkəməsinin hakimi vəzifəsindən azad edilərək Sumqayıt İnzibati Məhkəməsinin hakimi və sədri təyin edilsin;

Fehruz Novruz oğlu Abbasov Şirvan İnzibati Məhkəməsinin hakimi və sədri təyin edilsin;

Vidadi Kamal oğlu Qasımov Şəki İnzibati Məhkəməsinin sədri təyin edilsin;

kommersiya məhkəmələri üzrə:

İlham Bayram oğlu Əhmədov Bakı Kommersiya Məhkəməsinin hakimi və sədri təyin edilsin;

Rəşad Seylan oğlu Məmmədov Gəncə Kommersiya Məhkəməsinin sədri təyin edilsin;

Xəqani Qəhrəman oğlu Tağıyev Sumqayıt Kommersiya Məhkəməsinin sədri təyin edilsin;

Namidar Əlöysət oğlu Misirzadə Bakı şəhəri Xətai Rayon Məhkəməsinin hakimi vəzifəsindən azad edilərək Şirvan Kommersiya Məhkəməsinin hakimi və sədri təyin edilsin;

Mübariz Rahil oğlu Hüseynov Şəki Kommersiya Məhkəməsinin hakimi və sədri təyin edilsin;

ağır cinayətlər məhkəmələri üzrə:

Rəşad Şəmşir oğlu Əliyev Bakı şəhəri Binəqədi Rayon Məhkəməsinin hakimi vəzifəsindən azad edilərək Şəki Ağır Cinayətlər Məhkəməsinin hakimi və sədri təyin edilsin;

hərbi məhkəmələr üzrə:

Aslan Kalbalı oğlu Kalbalıyev Bakı Hərbi Məhkəməsinin hakimi təyin edilsin;

rayon (şəhər) məhkəmələri üzrə:

Zamin Vəliyəddin oğlu İbrahimov Astara Rayon Məhkəməsinin sədri təyin edilsin;

İsmayıl Xudaverdi oğlu Abdurəhmanlı Goranboy Rayon Məhkəməsinin sədri təyin edilsin;

Nemət Əlimusa oğlu Musayev Qazax Rayon Məhkəməsinin sədri təyin edilsin;

Vladimir Yefimoviç Ruvinov Xaçmaz Rayon Məhkəməsinin hakimi vəzifəsindən azad edilərək Qubadlı Rayon Məhkəməsinin hakimi və sədri təyin edilsin;

Rəşad Rafiq oğlu Mustafayev Bakı şəhəri Pirallahı Rayon Məhkəməsinin hakimi və sədri vəzifəsindən azad edilərək Sumqayıt Şəhər Məhkəməsinin hakimi və sədri təyin edilsin.

2. “Məhkəmələr və hakimlər haqqında” Azərbaycan Respublikası Qanununun 94-cü və 112-ci maddələrinə uyğun olaraq, aşağıdakı hakimlərin vəzifələri dəyişdirilsin:

İlham Əliyevin pandemiya dövründə verdiyi tapşırıqlar xalqın rifahına xidmət edir

VuVu Uma - 4 месяцы тому назад
Azərbaycanda koronavirus (COVID-19) pandemiyasının qarşısını almaq məqsədilə dövlət tərəfindən çox ciddi tədbirlər həyata keçirilir.

Oxu.Az xəbər verir ki, Prezident İlham Əliyevin rəhbərliyi ilə ölkədə koronavirus (COVID-19) pandemiyasına qarşı genişmiqyaslı profilaktik və preventiv tədbirlər görülməklə bərabər, dövlət və qeyri-dövlət sektorunda məşğulluğa və sosial rifaha dəstək məqsədilə fəal siyasət aparılır.

Belə ki, dövlət başçısının 19 mart 2020-ci il tarixli Sərəncamının icrası ilə bağlı təsdiq edilmiş “Tədbirlər Planı”nda məşğulluğa və sosial rifaha dəstək məqsədilə dörd istiqamət üzrə on tədbir əksini tapıb. Ümumilikdə iki milyon vətəndaşı əhatə edən bu tədbirlər üçün 400 milyon manat vəsait ayrılıb.

Pandemiya ilə əlaqədar olaraq, dövlət və qeyri-dövlət sektorunda çalışan işçilərin əsassız yerə işdən çıxarılmasına, ixtisarına yol verilməməsi üçün zəruri tapşırıqlar verilib. Dövlət sektorunda minimal işçi sayı ilə fəaliyyət davam etdirilib, məzuniyyətə buraxılan işçilərin evdən işləmələri ilə əməkhaqlarının saxlanılması təmin edilib. Bu tədbir dövlət sektorunda çalışan 910 min işçini əhatə edib.

Hökumət qeyri-dövlət sektorunda çalışanları da diqqətdən kənarda qoymayıb. Qeyri-dövlət sektorunda çalışanların iş yerlərinin qorunması məqsədilə elektron sistem üzərindən gündəlik nəzarət həyata keçirilib. Əvvəlcədən işəgötürənlərə müvafiq bildiriş-xəbərdarlıq göndərilib. Həmçinin, işçi qüvvəsinə ehtiyac olmadığı hallarda qanunvericiliklə görülməsi mümkün olan və iş yerlərinin qorunub saxlanmasına imkan verən alternativ üsullar təqdim edilib. Bütün bu işlər qeyri-dövlət sektorunda çalışan 710 min işçini əhatə edib.

Görülən tədbirlər öz müsbət nəticələrini verib. Qeyd etmək lazımdır ki, özəl sektorda nəinki əmək müqavilələrinin sayında azalma baş verməyib, əksinə, artım dinamikası müşahidə edilib. 2020-ci ilin 1 aprel tarixinə əmək müqavilələrinin sayı 664 119 olubsa, 14 aprel tarixinə bu göstərici 715 mini ötüb. Beləliklə, əmək müqavilələrinin sayında 1 aprel tarixindən 51 min, 1 yanvar tarixindən isə 73 min müqavilə artımı baş verib. Bu kifayət qədər müsbət nəticədir.

Eyni zamanda, təsdiq olunan “Tədbirlər Planı”nda 300 min muzdlu işçinin əməkhaqlarının bir hissəsinin maliyyələşdirilməsi və təqribən 300 min fərdi sahibkara dəstək verilməsi İqtisadiyyat Nazirliyinə tapşırılıb.

Bundan başqa, işini və qazancını itirmiş şəxslərə də dövlət tərəfindən dəstək verilib. Bu məsələ ilə bağlı Nazirlər Kabineti tərəfindən aprelin 7-də qərar təsdiq edilib, eləcə də müvafiq şərtlər və qaydalar müəyyənləşdirilib. İşsiz kimi qeydiyyat üçün vətəndaşlara elektron portal və telefon zəngi vasitəsilə qeydiyyat imkanı yaradılıb. Bu kateqoriyadan olan şəxslərin sosial müdafiəsinin gücləndirilməsi üçün onlara birdəfəlik ödəmə olaraq 190 manat məbləğində dəstək verilib. Bunun üçün dövlət büdcəsindən 70 milyon manat vəsait ayrılıb. Ödənişi məşğulluq orqanında qeydiyyatdan keçmiş işsiz statusu olan və dövlətdən sosial ödəniş almayan şəxslər alırlar.

Xatırladaq ki, işsiz kimi qeydiyyata alınma və birdəfəlik ödəmənin verilməsi qaydasına dair hər gün KİV-də və sosial şəbəkələrdə məlumatlandırma aparılıb, müvafiq mövzuda videotəlimat hazırlanaraq, ictimaiyyətə təqdim edilib. Vətəndaşların müddəti bitmiş şəxsiyyət vəsiqələri ilə də qeydiyyata düşə bilmələri üçün onların etibarlılıq müddəti uzadılıb.

Çox qısa zaman ərzində ödənişlərə başlanılıb və ümumilikdə 9-14 apreldə 100 min işsiz üçün birdəfəlik ödəmə təmin edilib. Birdəfəlik ödəmə köçürülməsi ilə bağlı vətəndaşa SMS göndərilir. Ödəniş nağdsız qaydada, bank filialları və ya poçt şöbələri vasitəsilə vətəndaşlara çatdırılır. SMS alan şəxslər öz şəxsiyyət vəsiqəsini təqdim etməklə ödəmələri ala bilərlər.

Nazirlər Kabinetinin müvafiq qərarı ilə aprelin 1-dən işsizlik sığortasının müddəti bitmiş şəxslərə ödənişin, peşə hazırlığı prosesində fasilə yaranmış kursların müdavimlərinə təqaüdün verilməsi müddəti xüsusi karantin rejiminin bitdiyi tarixdən növbəti ayın 1-dək uzadılıb. İki min nəfəri əhatə edən bu sosial müdafiə tədbiri üçün 600 min manat ayrılıb.

Mövcud karantin dövründə əhalinin məşğulluq imkanlarının artırılması istiqamətində də ciddi tədbirlər həyata keçirilib. Bu məqsədlə rayonlarda (şəhər) Məşğulluq Mərkəzlərinin fəaliyyəti gücləndirilib. Aprel-may ayı üçün DOST İş Mərkəzi vasitəsi ilə nəzərdə tutulan əlavə 50 min ödənişli ictimai iş yerinin yaradılmasına başlanılıb. Bu məqsədlə 30 milyon manat vəsait ayrılıb.

Əlavə ictimai iş yerlərinin rayon və şəhərlər üzrə bölgüsü təsdiqlənib, prosedur və mexanizmlər hazırlanıb. Həmin ictimai iş yerləri əsasən dezinfeksiya, sosial xidmətlər və s. istiqamətləri əhatə edəcək.

Ölkədə özünüməşğulluq proqramının genişləndirilməsi sürətləndirilib. Belə ki, bu il üzrə 12 min ailənin özünüməşğulluq proqramına cəlb edilməsi nəzərdə tutulub. Bu ilin əvvəlindən artıq 2600 nəfər proqrama cəlb edilib və proses davam edir. Bunun üçün İşsizlikdən Sığorta Fondundan 70 milyon manat ayrılıb. Layihə çərçivəsində Heydər Əliyev Fondunun Regional İnkişaf İctimai Birliyi (hər il 250 ailə) və banklarla əməkdaşlıq edilir.

Eyni zamanda, Əmək və Əhalinin Sosial Müdafiəsi Nazirliyi, Mərkəzi Bank və Azərbaycan Banklar Assosiasiyası arasında həssas əhali qruplarının özünüməşğulluğunun təşkilinə köməklik göstərilməsi sahəsində əməkdaşlığa dair Memorandum imzalanıb və bunun əsasında aprelin 8-də banklar tərəfindən aktivlərin verilməsinə başlanılıb.

Bundan başqa, bu il özünüməşğulluq proqramının genişləndirilməsində Dünya Bankı ilə birgə layihəyə də başlanılacaq. Dünya Bankı layihəsi çərçivəsində hər il beş min ailənin özünüməşğulluğu təmin ediləcək.

BMT-nin İnkişaf Proqramı ilə əməkdaşlıq çərçivəsində isə 500 nəfər əlilliyi olan şəxsin də biznes-planları banklar tərəfindən qiymətləndirilib, hazırda biznes-planların onlayn formada müdafiəsi həyata keçirilir.

Ölkə başçısı əhalinin xüsusi həssas təbəqələrinin rifahının yaxşılaşdırılması məqsədilə sosial müdafiə tədbirlərinin gücləndirilməsini tapşırıb. Bu məqsədlə Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun (DSMF) 2019-cu il üzrə yaranmış 200 milyon manat ehtiyatından istifadə olunmaqla əhaliyə sosial ödənişlərin davamlılığı təmin edilir və il ərzində bu proses davam etdiriləcək. Bu ödənişləri (pensiya, müavinət, təqaüd və s.) alanların sayı 2,3 milyon nəfərdir.

Aprelin 8-15-də respublika üzrə bu ayın bütün pensiyaları ödənilib. Ayın 20-21-də müavinət, təqaüd və kompensasiya, ayın 28-də isə ünvanlı dövlət sosial yardımlarının ödənişi aparılacaq. Pensiya və digər sosial ödənişlər zamanı bankomatlar qarşısında sıxlığın olmaması, həmçinin, əlçatanlığın təmin olunması üçün Mərkəzi Bankla birlikdə görülən işlər nəticəsində müvafiq ödənişlər ölkədə fəaliyyət göstərən bütün bankların, eləcə də “Azərpoçt”un bankomatlarından və posterminallarından faiz tutulmadan, yəni komissiyasız ödənilib və belə də davam edəcək.

Pensiyaçıların yaxınları, ailə üzvləri (evdən çıxmaq üçün müvafiq icazə əsasında), habelə tənhalara xidmət edən sosial xidmətçilər həmin vəsaitləri istənilən bankın, həmçinin, “Azərpoçt”un bankomatlarından və ya posterminallarından alaraq sahiblərinə çatdıra bilərlər.

Karantin rejiminin tətbiq edildiyi müddətdə əhalinin aztəminatlı təbəqəsinə ünvanlı dövlət sosial yardımlarının verilməsi müddəti uzadılmaqla yanaşı, həm də sadələşdirilib. Belə ki, ünvanlı dövlət sosial yardımının təyin olunma müddəti bitən aztəminatlı ailələrə də bu yardımın verilməsi karantin rejimi başa çatdığı tarixdən sonrakı ayın 1-dək uzadılıb. Bunun üçün əlavə üç milyon manat ayrılıb.

Aprelin 1-dən 14-dək ünvanlı sosial yardım alanların sayı doqquz min ailə və ya 35 min insan artıb. Ümumilikdə, 14 aprel tarixinə 79 min ailənin 330 min üzvü ünvanlı sosial yardım proqramı ilə əhatə olunur. Hər ailəyə düşən yardımın məbləği 222 manatdır. Aztəminatlı ailələrin bu proqramdan faydalanmaq imkanlarının və proqrama əlçatanlığının artırılması işləri nəticəsində bu yardımı alanların sayı artmaqda davam edir.

Nəzərinizə çatdıraq ki, koronavirus təhlükəsi ilə əlaqədar risk qrupuna daxil olan və yaşı 65-dən yuxarı olan şəxslərin evdən çıxması qadağan olunub. Onlar arasında yalnız yaşayan ahıl şəxslərin olduğunu da nəzərə alsaq, dövlət tərəfindən həmin şəxslərə də sosial xidmətlərin göstərilməsi barədə qaydalar hazırlanıb.

Belə ki, yaşı 65-dən yuxarı tənha şəxslərə evlərində sosial xidmətlər göstərilir. Xüsusi qayğıya ehtiyacı olan şəxslərə isə sosial xidmət müəssisələrində bütün lazımi yardımlar edilir. Bu günə qədər 15 mindən çox tənha yaşlıya sosial xidmətlər göstərilib. Sosial tərəfdaşlar vasitəsilə artıq 14 100 tənha ahıla və əlilliyi olan şəxslərin evlərinə ərzaq payları aparılıb. Bu proses də müvafiq dövr müddətində davam etdiriləcək. Hazırda doqquz sosial xidmət müəssisəsində 1000-dən çox şəxs stasionar şəraitdə sosial xidmətlərlə təmin olunur.

Azərbaycan əhalisi görülən bütün tədbirlərə görə, ölkə başçısı İlham Əliyevə minlərlə təşəkkür məktubu ünvanlayıb. Ölkə ərazisində görülən tədbirlər bununla da bitmir.

Qeyd edək ki, martın 1-dən etibarən əlilliyi olan şəxslərin, o cümlədən sağlamlıq imkanları məhdud uşaqların başa çatan əlillik müddəti xüsusi karantin rejiminin bitdiyi tarixdən sonrakı ayın 1-dək uzadılıb. Bu tədbir öz növbəsində 14 min nəfəri əhatə edir və bu məqsədlə 2,6 milyon manat vəsait ayrılıb.

Əhaliyə güzəştli işıq limiti aprel-may aylarında 100 kvts. həcmində artırılıb. Bunun üçün (iki aylıq) 10 milyon manat vəsait ayrılıb.

Sosial baxımdan həssas əhali qrupuna aid edilən ailələrin üzvü olan tələbələr də diqqətdə saxlanılıb. Onların təhsil haqqı xərclərinin ödənilməsini dövlət öz öhdəsinə götürüb. Təxminən 17 min tələbəni əhatə edən güşəştlər üçün (il ərzində) 40 milyon manat vəsait ayrılıb.

Əmək və Əhalinin Sosial Müdafiəsi Nazirliyinin 142 - “Çağrı mərkəzi” tərəfindən aprelin 1-dən 15-dək 82 min vətəndaşın müraciəti cavablandırılıb. Çağrı Mərkəzinin işçi heyəti üç dəfə, iş saatları isə 00:00-dək artırılıb.

Azərbaycan xalqı Prezidentə minnətdardır – Məktublar

VuVu Uma - 4 месяцы тому назад
Azərbaycan Prezidenti İlham Əliyevin rəhbərliyi altında ölkədə koronavirus pandemiyasına qarşı görülən işlər əhali tərəfindən yüksək qiymətləndirilir.

Oxu.Az-ın məlumatına görə, Azərbaycanın bütün bölgələrindən olan vətəndaşlar Prezidentə minnətdarlıq məktubları ünvanlamaqda davam edirlər.

Koronavirusun ziyan vurduğu sahələrin aşkarlanması və itkilərin minimuma endirilməsi, sosial layihələrin təxirə salınmaması, səhiyyə sahəsindəki yeniliklər əhalidə dövlətin siyasəti ilə bağlı xoş təəssüratları daha da gücləndirir.

Prezidentin rəsmi saytına ünvanlanan məktubların məzmununa diqqət yetirsək, görərik ki, əhali dövlət başçısının yürütdüyü siyasətlə həmrəylik nümayiş etdirir və dövlətin iqtisadi-sosial konsepsiyalarını müsbət dəyərləndirir.

Biləsuvardan Məhərrəməli Kazımlı yazır ki, bu çətin günlərdə modul tipli tibb müəssisələrinin yaradılması, tibbi maska istehsalı müəssisəsinin istifadəyə verilməsi Prezidentin çevik fəaliyyətinin bariz nümunələridir.

“Cənab Prezident, qeyd etmək istəyirik ki, bütün bu tədbirlərin həyata keçirilməsində Sizinləyik. Biz birlikdə güclüyük!”, - deyə, M.Kazımlı bildirir.

Gəncə sakinləri də ölkə başçısının siyasətini yüksək qiymətləndirirlər.

“Koronavirus pandemiyasının ölkəmizdə geniş yayılmasının qarşısının alınması istiqamətində atdığınız addımlar və verdiyiniz sərəncamlar vətəndaşlar tərəfindən böyük rəğbətlə və alqışla qarşılanır. Bu işlərə görə Sizə dərin minnətdarlığımızı bildiririk.

Biz Sizə və dövlətimizə hər zaman güvənmişik. Pandemiya dövründə də belə oldu. Çox sağ olun ki, Sizə bəslənən ümidləri və güvəni hər zaman doğruldur, xalqımıza ruh yüksəkliyi bəxş edirsiniz”, - deyə Gəncə sakinləri bildirirlər.

Abşeron rayonundan Yavər Səlimov isə işləməyən, yaşı 65-dən yuxarı, tənha və aztəminatlı ailələrə göstərilən diqqət və qayğıya görə Prezidentə təşəkkürlərini çatdırıb.

Daşkəsəndən gələn məktubda da rayon sakinləri adından xoş təəssüratlar bölüşülüb:

“Rayonumuzun bütün sakinləri adından görülən işlərə görə minnətdarlığımızı bildirərək gələcək fəaliyyətinizdə uğurlar arzulayırıq”.

Ucar sakini Niyaz Xəlilov yazır: “Siz Azərbaycan vətəndaşlarının sağlamlığının qorunması istiqamətində qətiyyətli addımlar atır, qərarlar qəbul edirsiniz. İnanırıq ki, bəşəriyyət, xalqımız tezliklə bu bəladan xilas olacaq”.

Tərtərdən Eldar Əsədov, Fazil Vəliyev, Zahid İbrahimov da məktublarında dərin minnətdarlıq hisslərini ifadə ediblər.

İlham Əliyev Şahin Mustafayevə yeni vəzifə verdi

VuVu Uma - 4 месяцы тому назад
Prezident İlham Əliyev su ehtiyatlarından səmərəli istifadənin təmin edilməsi ilə bağlı tədbirlər haqqında sərəncam imzalayıb.

Bununla bağlı AZƏRTAC məlumat yayıb.

Sərəncama əsasən, ölkə ərazisində su ehtiyatlarından səmərəli istifadənin təmin edilməsi, su təsərrüfatının idarə olunmasının təkmilləşdirilməsi və bu sahədə fəaliyyətin əlaqələndirilməsi məqsədilə aşağıdakı tərkibdə Komissiya yaradılıb:

Komissiyanın sədri

Şahin Mustafayev – Azərbaycan Respublikası Baş Nazirinin müavini

Komissiyanın üzvləri

Azərbaycan Respublikasının Ekologiya və Təbii Sərvətlər naziri

Azərbaycan Respublikasının İqtisadiyyat naziri

Azərbaycan Respublikasının Kənd Təsərrüfatı naziri

Azərbaycan Respublikasının Maliyyə naziri

Azərbaycan Meliorasiya və Su Təsərrüfatı Açıq Səhmdar Cəmiyyətinin sədri

“Azərsu” Açıq Səhmdar Cəmiyyətinin sədri

“Azərenerji” Açıq Səhmdar Cəmiyyətinin prezidenti

Azərbaycan Respublikası Fövqəladə Hallar Nazirliyinin Su Ehtiyatları Dövlət Agentliyinin rəisi.

Komissiya su ehtiyatlarından istifadə və su təsərrüfatının idarə olunması sahəsində mövcud vəziyyəti təhlil, su ehtiyatlarından istifadədə səmərəliliyin artırılmasını, uçotun və idarəetmənin təkmilləşdirilməsini və bu sahədə operativ əlaqələndirməni, eləcə də verilən tapşırıqların icrası üçün müvafiq dövlət orqanlarının (qurumlarının), elmi müəssisələrin (təşkilatların), ixtisaslı mütəxəssislərin, habelə beynəlxalq ekspertlərin cəlb olunmasını təmin etməlidir.

Prezidentin təşəbbüsləri: “Yaralar” sağalır - ŞƏRH

VuVu Uma - 4 месяцы тому назад
Prezident İlham Əliyevin rəhbərliyi altında genişmiqyaslı sosial layihələr davam etdirilir, bununla da dövlətin resurslarının ağırlıq mərkəzinin insan kapitalının inkişafına yönəldilməsi istiqamətində daha da mütərəqqi addımlar atılır.

Sosial layihələr zəncirinin bir həlqəsi kimi aprelin 14-də dövlət başçısı İlham Əliyev “Xüsusi karantin rejimi dövründə sosial xidmətlər göstərilməsində iştirak edən işçilərin sosial müdafiəsinin gücləndirilməsi haqqında” sərəncam imzalayıb.

Bu sərəncam ümumilikdə iki min nəfər sosial xidmət işçisini əhatə edir. Onların əməkhaqlarına aylıq vəzifə (tarif) maaşının bir misli miqdarında müddətli əlavə müəyyən ediləcək.

Qeyd edək ki, xüsusi karantin rejimi dövründə infeksiyaya yoluxma riski yüksək olan yaşı 65-dən yuxarı şəxslərin pandemiyadan qorunması məqsədilə onların evdən çıxmaları qadağan edilib.

Əmək və Əhalinin Sosial Müdafiəsi Nazirliyinin məlumatına əsasən, hazırda bu kateqoriyadan olan 15000-dən çox tənha yaşlıya evlərində sosial xidmətlər göstərilir.

İlham Əliyev dəfələrlə bəyan edib ki, koronavirus pandemiyasına və onun iqtisadiyyata vurduğu zərərə baxmayaraq, sosial proqramların təxirə salınmasından söhbət gedə bilməz.

Qlobal iqtisadi böhranın yaratdığı mənfi nəticələrin təsirindən minimum itkilərlə çıxmaq, bu fonda əhalinin rifah halının, sağlamlığının qorunması Azərbaycan dövlətinin prioritetidir.

Bu prioritetlər nəzəri olmaq mərhələsini adlayıb və praktiki şəkildə özünü göstərməkdədir.

Azərbaycanda koronavirusun əmələ gətirdiyi ictimai, sosial, iqtisadi “yaralar” hökumətin səyi və əməli təşəbbüsü nəticəsində sağalmağa doğru gedir.

Şübhəsiz ki, sosial konsepsiyada nəzərdə tutulan digər proqramlar da həyata keçiriləcək.

Prezident xüsusi karantin rejiminin nə zaman bitəcəyindən danışdı

VuVu Uma - 4 месяцы тому назад
“Bizim bundan sonrakı addımlarımız elə atılmalıdır ki, insanların sağlamlığını, onların həyatını qoruya bilək. Əvvəllər qeyd etdiyim kimi, biz addımlarımızı vəziyyətə uyğun atacağıq və əlbəttə, hamımız istəyirik ki, bu karantin rejiminə tezliklə son qoyulsun və vətəndaşlar öz normal həyatına qayıtsınlar”.

Bunu Azərbaycan Respublikasının Prezidenti İlham Əliyev 2020-ci ilin birinci rübünün sosial-iqtisadi yekunlarına həsr olunan videokonfrans şəklində keçirilən müşavirədə deyib.

Dövlət başçısı bildirib ki, əsas məsələ vətəndaşların sağlamlığı, insanların həyatıdır:

“Bu günlərdə mənə ünvanlanan yüzlərlə, minlərlə məktublar, elektron məktublar, mesajlar göstərir ki, vətəndaşlar bizim atdığımız addımları yüksək qiymətləndirirlər. Ancaq bir daha demək istəyirəm ki, koronavirus pandemiyası nə vaxt qurtaracaq bunu heç kim bilmir, heç kim proqnoz verə bilmir. Ona görə biz də, sadəcə olaraq, həm ölkə daxilində vəziyyəti tam nəzarətdə saxlamalıyıq, geniş monitorinq aparmalıyıq və aparırıq.

Eyni zamanda, dünyada gedən prosesləri də yaxından müşahidə edərək öz addımlarımızı elə ataq və tam əmin olaq ki, bu koronavirus pandemiyası artıq təhlükə törətmir. Hesab edirəm ki, ancaq ondan sonra müəyyən dərəcədə yumşalma addımlarının atılması mümkündür. Hələ ki, demək tezdir, amma son günlərin rəqəmləri ümidvericidir. Ümid etmək istəyirəm ki, bu müsbət dinamika, yəni, xəstələrin sayı ilə bağlı müsbət dinamika bundan sonra da davam edəcək.

İlham Əliyevin fövqəladə Zirvə görüşündə verdiyi mesajlar - ŞƏRH

VuVu Uma - 4 месяцы тому назад
Aprelin 11-də Azərbaycan Prezidenti, Türkdilli Dövlətlərin Əməkdaşlıq Şurasının sədri İlham Əliyevin təşəbbüsü ilə Türk Şurasının videokonfrans vasitəsilə fövqəladə Zirvə görüşü keçirilib.

Koronavirus pandemiyası ilə mübarizə mövzusuna həsr olunan Zirvə görüşündə Prezident İlham Əliyevin çıxışında Türk Şurasına üzv dövlətlər arasında qardaşlıq, həmrəylik qırmızı xətt kimi keçdi.

Ölkə başçısı üzv dövlətlər arasında qarşılıqlı siyasi, iqtisadi, ticari və digər sahələrdə əməkdaşlıq, əlaqələndirmə və koordinasiyanın möhkəm təməllər üzərində qurulduğunun mesajını verdi.

Prezidentin Türk Şurasının fövqəladə Zirvə görüşünün keçirilməsinə təşəbbüs göstərməsi, iclasda verdiyi bəyanatın məzmunu özündə mühüm qlobal və regional çağırışları ehtiva edir.

İlham Əliyev deyib ki, bu, bizim nümunəvi səviyyədə olan həmrəyliyimizin növbəti bariz təzahürüdür.

“Bizi birləşdirən ortaq soy-kök, tarix, mədəniyyət və milli dəyərlər qarşılıqlı səmərəli fəaliyyətimiz üçün mühüm əsasdır”, - deyə Prezident əlavə edib.

Dövlət başçısının Azərbaycanda koronavirus pandemiyasına qarşı görülən tədbirlər konsepsiyasının məzmunu barədə tezisləri də mühüm əhəmiyyət daşıyırdı.

Koronavirusa qarşı mübarizədə Azərbaycan modeli

Prezidentin öz çıxışında Azərbaycanda koronavirusun zərər vurduğu sahələrin müəyyən edilməsi və itkilərin minimallaşdırılması, bank sektorunda kredit faizlərində güzəştlərin edilməsi haqqında ətraflı məlumat verməsi dövlətin postpandemiya dövrünə hazırlıq səviyyəsinin göstəricisidir.

İlham Əliyev koronavirusla əlaqədar tətbiq edilən xüsusi karantin rejiminə görə 300 mindən çox muzdlu işçiyə əməkhaqqı məsələsində yardım göstəriləcəyini xatırlatdı, işsiz statusu olan şəxslərə isə birdəfəlik ödəmə veriləcəyini bir daha bəyan etdi.

Prezidentin beynəlxalq təşkilat vasitəsilə bəyanatının ana xətti onu göstərdi ki, pandemiyaya baxmayaraq, ölkədə sosial layihələrin təxirə salınmasından söhbət gedə bilməz.

İlham Əliyev Azərbaycan əhalisinin sağlamlığının qorunmasının və həyat səviyyəsinin daha da yaxşılaşdırılmasının vacib olduğunu ön plana çəkdi.

Bu proqramlar dövlətin dəstəyinin yalnız bir hissəsidir. Digər dövlət dəstəyi mexanizmləri üzərində hazırda iş aparılır – bunu da Prezident toplantıda vurğulayıb.

Koronavirusla mübarizə çərçivəsində hökumətin xüsusi risk qrupuna daxil olan tibb işçilərinə diqqət göstərməsi də toplantı iştirakçılarının diqqətinə çatdırıldı.

“Həkimlərimizin və tibb işçilərimizin koronavirusa qarşı mübarizədə xidmətlərini yüksək qiymətləndiririk. Koronavirus xəstələrinə xidmət göstərən həkimlərin maaşı 3, 4 və 5 misli məbləğində artırılıb. Bu, dövlət tərəfindən həkimlərə göstərilən qayğının təzahürüdür”, - deyə Prezident əlavə edib.

İlham Əliyev ölkə daxilində görülən işlərlə yanaşı, Azərbaycanın ayrı-ayrı dövlətlərə yardım göstərdiyini də vurğulayıb.

Azərbaycan iqtisadi mərkəz kimi

Azərbaycanın Türk Şurasına üzv ölkələr üçün mərkəzi iqtisadi sima rolunda çıxış etməsi ölkə qarşısında ticari əlaqələrdə də çağırışlar qoyur.

Bu mənada, koronavirus infeksiyasının sürətlə yayılmasına baxmayaraq, Azərbaycan Türkiyə və Mərkəzi Asiya arasında etibarlı tranzit-logistika mərkəzi kimi öz roluna məsuliyyətlə yanaşıb.

İlham Əliyev bu sahədən də danışaraq, qeyd edib ki, Azərbaycan tranzit yüklərin daşınması üçün əlavə tədbirlər görüb.

“Qarşılıqlı anlaşma və əlaqələndirmə şəraitində ölkələrimiz arasında beynəlxalq yükdaşımaları fasiləsiz olaraq həyata keçirilir. Pandemiyanın mənfi təsirlərinə baxmayaraq, 2020-ci ilin ilk üç ayı ərzində türkdilli ölkələrdən 180 min tondan artıq yük Azərbaycan vasitəsilə daşınıb ki, bu da ötən ilin eyni dövrü ilə müqayisədə, 40 min ton çoxdur”, - deyə Prezident söyləyib.

Prezidentdən aprelin 20-dən sonra karantinin uzadılıb uzadılmayacağı ilə bağlı AÇIQLAMA

VuVu Uma - 4 месяцы тому назад
"Onu da bildirməliyəm ki, hazırda 20-dən çox xəstəxanada koronavirus xəstələri müalicə alırlar. Bu xəstəxanaların arasında bizim ən müasir xəstəxanamız – “Yeni klinika” da var. Bu klinika bu yaxınlarda - martın sonunda açılmışdır, orada 575 çarpayı nəzərdə tutulur.

Nəzərə alsaq ki, klinika vaxtından əvvəl istifadəyə verilib, orada xəstələri qəbuletmə imkanları tədricən artacaq - ilkin mərhələdə 100 xəstə, sonra 300 və ondan sonra tam fəaliyyətə başlayacaq. Həmçinin bu il martın əvvəlində mənim iştirakımla bölgələrdə açılmış xəstəxanalar da koronavirus xəstələrinin ixtiyarına verildi.

Qazax, Goranboy və Şəmkir şəhərlərində yerləşən ən müasir xəstəxanalar koronavirus xəstələrinin müalicəsi ilə məşğuldur. Bu üç xəstəxanada çarpayıların sayı təqribən 500 ətrafındadır. Beləliklə, cəmi bir ay ərzində mindən çox çarpayılıq, ən müasir standartlara uyğun tibbi müəssisələr istifadəyə verildi və orada koronavirus xəstələri müalicə alırlar".

BAKU.WS-in xəbərinə görə, bunu Prezident İlham Əliyev Sumqayıt Kimya Sənaye Parkında tibbi maska istehsalı müəssisəsinin açılışından sonra Azərbaycan xalqına müraciəti zamanı deyib.

"Azərbaycan dövlətinin və sahibkarların operativ fəaliyyətini nəzərə alaraq, onu da bildirməliyəm ki, yaxın zamanlarda Bakıda və bir neçə bölgədə müasir xəstəxanaların yaradılması nəzərdə tutulur. Bu xəstəxanalar yeni texnologiyalar əsasında inşa ediləcəkdir. Bu texnologiyalar imkan verir ki, qısa müddətdə, bəlkə də üç həftə, bir ay ərzində xəstəxana tamamilə yenidən qurulsun, - yığma texnologiyalar prinsipi əsasında qurulacaq, - bütün lazımi avadanlıqla təchiz edilsin.

Hər bir xəstəxananın çarpayı sayı 200-dür. Belə xəstəxanaların ölkəmizdə qısa müddətdə qurulması əlbəttə ki, bu mübarizədə bizə əlavə imkan verəcəkdir. Mübarizədə əsas məsələlərdən biri vaxt məsələsidir. Biz vaxtı nə qədər daraltsaq, nə qədər az vaxt çərçivəsində işləri görsək, xəstəliyə qarşı mübarizədə o qədər uğur qazana bilərik.

Prezidentə minnətdarlıq məktubları gəlməkdə davam edir

VuVu Uma - 4 месяцы тому назад
Prezident İlham Əliyevin rəhbərliyi altında ölkədə koronavirus infeksiyasının yayılmasının qarşısının alınması istiqamətində atılan addımlar cəmiyyətdə müsbət reaksiyalar yaradır.

Oxu.Az-ın məlumatına görə, bir neçə gündür ki, vətəndaşlar Azərbaycan dövlətinin iqtisadi itkiləri azaltmaq yönündə, sosial sferada həyata keçirdiyi tədbirlər planını alqışlayırlar.

Koronavirusun ziyan vurduğu sahələrin müəyyən olunması və zərərin qarşılanması, işsiz statusu olan şəxslərə birdəfəlik müavinətlərin verilməsi təqdirəlayiq hal kimi dəyərləndirilir.

Bu məqsədlə sakinlər öz fikirlərini ifadə etmək üçün Azərbaycan Prezidentinə müraciət ünvanlayırlar.

Azərbaycanın bütün regionlarından ölkə başçısına ünvanlanan çoxsaylı minnətdarlıq məktubları dövlətin koronavirusa qarşı mübarizədə nə qədər effektiv işlər gördüyünün göstəricisidir.

Ağdamın Quzanlı qəsəbəsinin sakini Hacıağa Hacıyev yazır:

“Yeni klinika” tibb müəssisəsinin pandemiya ilə mübarizə məqsədilə xalqımızın xidmətinə verilməsi Prezidentin əhalinin sağlamlığının qorunmasına yüksək diqqət göstərməsinin bariz nümunəsidir.

Hörmətli cənab Prezident, mən inanıram ki, Sizin müdrik qərarlarınızla biz bu bəladan minimum zərərlə qurtulacağıq. Sizinlə fəxr edirəm, Sizə dəstəyim misilsizdir. Bu gün dövlətin insanlardan ən böyük tələbi evdə qalmaqdır və yaradılan şəraitdə bu, heç də çətin bir iş deyil. Allah Sizi və xalqımızı qorusun. Biz birlikdə güclüyük!”.

Bakı sakini Samir Abdullayev isə qeyd edir ki, “Yeni klinika” tibb müəssisəsinin koronavirusa yoluxan xəstələrin müalicəsi üçün istifadəyə verilməsi, tibbi maska istehsalı müəssisəsinin açılışı ölkə başçısının xalqın yanında olmasının, daim vətəndaşları düşünməsinin daha bir sübutudur.

Lənkərandan Nurlan İbadov əminliyini ifadə edir ki, Prezidentin müdrik rəhbərliyi ilə tezliklə koronavirus bəlasından xilas olacağıq.

Salyan rayonunun Qarabağlı kəndinin sakinləri adından dövlət başçısına ünvanlanan məktubda da dərin minnətdarlıq hissi ifadə edilir.
Нет сообщений для отображения
Нет сообщений для отображения
Нет сообщений для отображения
Нет сообщений для отображения