Sabahdan Azərbaycanda hərəkət məhdudlaşdırılır.

Aprelin 20-dək aşağıdakı şəxslərin xidməti vəsiqələri və ya iş yeri barədə arayış əsasında hərəkət etmələrinə yol verilir:

Azərbaycan Respublikası Prezidentinin Administrasiyasının və Azərbaycan Respublikasının Nazirlər Kabineti Aparatının əməkdaşları;

Azərbaycan Respublikası Milli Məclisinin deputatları və Aparatının əməkdaşları;
mərkəzi və yerli icra hakimiyyəti orqanlarının rəhbərləri və onların müavinləri;

İnsan Hüquqları üzrə Müvəkkil (Ombudsman) və Aparatının əməkdaşları;

dövlətə məxsus olan hüquqi şəxslərin, o cümlədən dövlət adından yaradılan publik hüquqi şəxslərin rəhbərləri və onların müavinləri;

Azərbaycan Respublikası Xarici İşlər Nazirliyinin əməkdaşları;

Azərbaycan Respublikası Kənd Təsərrüfatı Nazirliyinin və onun tabeliyindəki qurumların əməkdaşları;

dövlət əhəmiyyətli və həyat təminatı obyektlərin, habelə fasiləsiz fəaliyyət göstərən müəssisələrin əməkdaşları (1 nömrəli əlavə);

dövlət səhiyyə orqanlarının və qurumlarının (müəssisələrinin), özəl səhiyyə müəssisələrinin əməkdaşları;

hüquq-mühafizə, məhkəmə və hərbi xidmət nəzərdə tutulmuş orqanların əməkdaşları, vəkillər;

kütləvi informasiya vasitələrinin əməkdaşları;

Azərbaycan Respublikasında akkreditasiya olunmuş diplomatik nümayəndəliklərin və beynəlxalq təşkilatların əməkdaşları və onların yerli heyəti (Azərbaycan Respublikası Xarici İşlər Nazirliyi tərəfindən verilmiş akkreditasiya kartları əsasında).

Aşağıdakı şəxslər barəsində məlumatlar işəgötürən tərəfindən elektron imzadan istifadə edilməklə “icaze.e-gov.az” portalına daxil edildikdən sonra onların hərəkətinə yol verilir:

dövlət orqanlarının, dövlətə məxsus olan hüquqi şəxslərin, o cümlədən dövlətin adından yaradılan publik hüquqi şəxslərin işə cəlb olunan əməkdaşları (2 nömrəli əlavə);

Azərbaycan Respublikası Nazirlər Kabinetinin 2020-ci il 30 mart tarixli 120 nömrəli Qərarı ilə müəyyən edilmiş istiqamətlərdə fəaliyyətlərinin davam etdirilməsinə icazə verilmiş özəl hüquqi şəxslərin əməkdaşları və sahibkarlıq fəaliyyətini hüquqi şəxs yaratmadan həyata keçirən fiziki şəxs və onun işçiləri;

fəaliyyətinin davam etdirilməsinə icazə verilməmiş özəl hüquqi şəxslərin mühafizəsi və texniki təhlükəsizliyinin təmin edilməsi üçün tələb olunan əməkdaşları.

“Mart ayının 19-20-21 tarixlərində Bakı Avtovağzal Kompleksindən həm region qeydiyyatı, həm də Bakı, Sumqayıt, Abşeron şəhərlərində qeydiyyatda olan sərnişinlərin regionlara gedişi təmin olunacaq”.

Bu barədə Dövlət Avtomobil Nəqliyyatı Xidmətinin mətbuat xidmətinin rəhbəri Nuridə Allahyarova Oxu.Az-a açıqlamasında bildirib.

Onun sözlərinə görə, Bakı Avtovağzal Kompleksi qeyd olunan tarixlərdə adi iş rejimində çalışacaq:

“Bu, bayram günlərində regionlara gedən, region qeydiyyatında olan sərnişinlərə şamil olunur və onlar ayın 29-dan tez paytaxt ərazisinə qayıda bilməyəcəklər.

Mart ayının 27-28-də isə Dövlət Avtomobil Nəqliyyatı Xidmətinin bütün personalı region avtovağzallarına təhkim olunacaq. Həmin tarixlərdə regionlardan sərnişindaşıma avtobusları ilə paytaxta yalnız Bakı, Sumqayıt, Abşeron qeydiyyatında olan sərnişinlər gələ biləcək.

Əməkdaşlar tərəfindən bir-bir sərnişinlərin şəxsiyyət vəsiqələri yoxlanacaq. Region qeydiyyatı olan sərnişinlərin avtovağzallarda ajiotaj yaratmaması xahiş olunur.

Bakı-Gəncə sürət qatarının hərəkəti dayandırılır.

Bu barədə “Azərbaycan Dəmir Yolları” Qapalı Səhmdar Cəmiyyətindən bildirilib.

Qeyd edilib ki, Bakı-Gəncə-Bakı sürətli sərnişin qatarının hərəkəti Bakıdan və Gəncədən 19.03.2020-ci ildən 29.03.2020-ci ilədək dayandırılır.

Bundan əlavə, Bakıdan 19.03.2020-ci ildən 29.03.2020-ci ilədək, geriyə isə 20.03.2020-ci ildən 30.03.2020-ci ilədək aşağıdakı qatarların hərəkəti dayandırılır:

- Bakı-Tbilisi-Bakı (Böyük Kəsikə kimi) sərnişin qatarı

- Bakı-Böyük Kəsik-Bakı sərnişin qatarı

- Bakı- Köçərli -Balakən-Bakı sərnişin qatarı

- Bakı-Astara-Horadiz-Bakı sərnişin qatarı

- Bakı-Yalama-Bakı elektrik qatarı

- Bakı-Şirvan-Hacıqabul-Bakı elektrik qatarı

Bu qatarlara alınan biletlər geri qaytarılarkən gediş haqqı məbləği tam şəkildə sərnişinlərə qaytarılır.